مىڭعا جۋىق مەملەكەتتىك قىزمەتكەر تۇركىستانعا كوشتى

None
None
 استانا. قازاقپارات - تۇركىستان وبلىسى اكىمىنىڭ باسپا ءسوز قىزمەتى بۇگىن مىڭعا جۋىق مەملەكەتتىك قىزمەتكەر جاڭا وبلىسى ورتالىعى - تۇركىستان قالاسىنا كوشتى، - دەپ حابارلايدى تۇركىستان وبلىسى اكىمىنىڭ باسپا ءسوز قىزمەتى.

ۆەدومستۆو مالىمەتىنشە، تاريحي ساتتە جولباسشى بولعان ءوڭىر باسشىسى جانسەيىت تۇيمەبايەۆ ەكى عاسىر بويى قازاق حاندىعىنىڭ استاناسى بولعان، ماڭىزدى شەشىمدەر قابىلدانعان تۇركىستانعا اتباسىن بۇرىپ، قىزمەت ەتۋگە بارا جاتقان ازاماتتار، جالىندى جاستار تاريح الدىنداعى ۇلى مۇراتتارىنىڭ ءبىرىن ورىنداپ جاتىر دەۋگە تولىق نەگىز بار ەكەنىن ايتتى.



«ءاربىر مەملەكەتتىڭ، ءاربىر وبلىستىڭ، ءاربىر قالانىڭ تاريحىندا جاۋاپتى كەزەڭدەر بولادى. بيىل 19 -ماۋسىمدا ەلباسى جارلىعىمەن بۇرىنعى وڭتۇستىك قازاقستان وبلىسى تۇركىستان وبلىسى بولىپ قۇرىلىپ، ونىڭ ورتالىعى دەپ تۇركىستان قالاسى بەكىتىلدى. بۇل تاريحي شەشىمگە 2 اي جەتەر-جەتپەس ۋاقىتتىڭ وزىندە ءبىز تىنباي جۇمىس ىستەپ، ەلباسى جارلىعىن ورىنداۋعا بار كۇشىمىزدى سالدىق. تۇركىستان قالاسىندا وبلىس اكىمدىگىنە قاراستى 24 باسقارما مەن وبلىستىق ءماسليحات، قوعامدىق كەڭەس پەن دەپارتامەنت قىزمەتكەرلەرى وتىراتىن كەڭسەلەر دايارلاندى. بۇگىن ءبىز ۇلكەن كوشتى باستايىن دەپ وتىرمىز. كەزىندە ەلباسى استاناعا كوشەر كەزدە «الماتىعا سىيماي ەمەس، الماتىنى قيماي كەتىپ بارامىز» دەگەن ەكەن. ءبىز دە شىمكەنتكە سىيماي ەمەس، ونى قيماي كەتىپ بارامىز. تۇركىستان - بار قازاقتىڭ رۋحاني استاناسى. سوندىقتان ونى دامىتۋعا، وركەندەتۋگە كۇش سالۋىمىز قاجەت. شەجىرەلى قالانىڭ تۋريستىك الەۋەتى كوتەرىلىپ، جاڭا جۇمىس ورىندارى اشىلادى. مىنە، ەندى تۇركىستان وبلىسى مەن تۇركىستان قالاسىنىڭ جاڭا ءداۋىرى باستالدى»، - دەدى اكىم.







شىمكەنتتەن كوشىپ شىعۋ سالتاناتتى شاراسىندا بەلگىلى جازۋشى، «الاش» حالىقارالىق سىيلىعىنىڭ لاۋرەاتى مارحابات بايعۇت پەن مەملەكەت جانە قوعام قايراتكەرى شالاتاي مىرزاحمەتوۆتەر قۇتتىقتاۋ ءسوز سويلەپ، اكىمدىك قىزمەتكەرلەرىنە قىزمەتتە جەتىستىكتەر مەن تابىس تىلەدى.

شارا اياسىندا شىعارىپ سالۋ شاراسىنا كەلۋشىلەرگە قىمىز سۋسىنى مەن باۋىرساق تاراتىلىپ، تاريحي كوشتىڭ كورىگىن اشتى.



ايماق باسشىسى جانسەيىت تۇيمەبايەۆ باستاعان كوشتىڭ قۇرامىندا وبلىس اكىمىنىڭ ورىنباسارلارى جانە اپپارات باسشىسى، وبلىستىق ءماسليحات حاتشىسى مەن اپپاراتى، وبلىستىق قوعامدىق كەڭەستىڭ ءتوراعاسى جانە اپپاراتى، «نۇر وتان» پارتياسىنىڭ وبلىستىق فيليالى ءتوراعاسىنىڭ ءبىرىنشى ورىنباسارى جانە قىزمەتكەرلەرى، وبلىستىڭ زيالى قاۋىم وكىلدەرى، وبلىس ارداگەرلەرى، قۇزىرلى ورگان باسشىلارى، اكىم اپپاراتى قىزمەتكەرلەرى، 28 اۋماقتىق دەپارتامەنتتىڭ باسشىلارى مەن قىزمەتكەرلەرى، 24 وبلىستىق باسقارما باسشىلارى مەن قىزمەتكەرلەرى، رەسپۋبليكالىق جانە جەرگىلىكتى ب ا ق وكىلدەرى سىندى، جالپى سانى، 1 مىڭعا جۋىق ادام بار. 11 اۆتوبۋسقا جايعاسقان كوش قۇرامىن تۇركىستان شاھارىنىڭ اكىمدىگى كۇتىپ الدى.





ەسكە سالايىق، بيىل، 19 -ماۋسىمدا ەلباسى - ۇلت كوشباسشىسى نۇرسۇلتان ءابىش ۇلى نازاربايەۆ وڭتۇستىك قازاقستان وبلىسىن ءتۇرىستان وبلىسى دەپ قايتا قۇرۋ جانە ونىڭ ورتالىعىن شىمكەنتتەن تۇركىستان قالاسىنا كوشىرۋ تۋرالى تاريحي جارلىققا قول قويعان- دى. ەلباسىنىڭ بۇل شەشىمى - تۇركىستاننىڭ قايتا تۇلەپ، ەلىمىزدىڭ ءوسىپ- وركەندەۋىنە ۇلەس قوساتىن جاڭا ورتالىققا اينالۋىنا جول اشتى. وبلىس ورتالىعى اتانعان تۇركىستان قالاسى ەندىگى جەردە ەلىمىزدىڭ عانا ەمەس، بۇكىل ورتا ازيانىڭ، تۇتاس تۇركى الەمىنىڭ بەلگىلى ساۋدا- ەكونوميكالىق جانە رۋحاني- مادەني ورتالىقتارىنىڭ ءبىرى بولارى ءسوزسىز.

سوڭعى جاڭالىقتار