تەڭىز بە، كول مە: ساراپشى كاسپيدىڭ قۇقىقتىق مارتەبەسىن ءتۇسىندىردى

استانا. قازاقپارات - ق ر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ءزۇلفيا امانجولوۆا كاسپيدىڭ گەوگرافيالىق انىقتاماسى تۋرالى پىكىر ءبىلدىردى دەپ حابارلايدى قازاقپارات ءتىلشىسى.

ونىڭ ايتۋىنشا، «كاسپي تەڭىز بە، كول مە دەگەن پىكىرتالاستى تەڭىز ماڭىنداعى ەلدەر 20 جىل بۇرىن دوعارعان. سەبەبى بۇل تاقىرىپتا ورتاق مامىلەگە كەلە الماعان.

«ءبىز كاسپيدىڭ قۇقىقتىق مارتەبەسىن رەتتەۋدى تالاپ ەتەتىن سۋ قويماسى رەتىندە بولۋگە كەلىستىك. قازاقستاننىڭ ۇستانىمى كاسپي تەڭىزىنە 1982-جىلعى تەڭىز قۇقىعى تۋرالى ب ۇ ۇ كونۆەنتسياسىنىڭ اشىق تەڭىزدەردى ءبولىپ جانە رەتتەۋ ەرەجەسىن قولدانۋعا نەگىزدەلگەن. ال ازەربايجاندىق تاراپ كاسپي تەڭىزىن كول رەتىندە ءبولۋدى ۇسىندى. ناتيجەسىنە نازار اۋدارساڭىز، كونۆەنتسيادا كاسپي تەڭىزىنىڭ تۇپكى بولىگى كول قاعيداتى بويىنشا، بەتكى جاعى - ءبىرقاتار يزومەريامەن تەڭىز زاڭىنىڭ قاعيداسىنا سايكەس بولىنەدى. ءبىز mutatis mutandis قاعيداسىن ۇستاندىق ياعني كاسپي تەڭىزىنە قاجەتتى وزگەرىستەرى بار قاعيدالاردى قابىلدادىق. ماسەلەن، تەڭىز قۇقىعىندا اۋماقتىق تەڭىز ءۇشىن 12 تەڭىز ميل بەلگىلەنسە، كونۆەنتسيادا 15 تەڭىز ميلىن بەكىتتىك. ياعني، ناقتى وسى ماسەلەگە قاتىستى ەرەكشە شەشىم قابىلدادىق»، - دەدى ز. امانجولوۆا كاسپي تەڭىزىنىڭ قۇقىقتىق مارتەبەسىن رەتتەۋ تۋرالى باسپا ءسوز ءماسليحاتىندا.

ەسكە سالا كەتسەك، 12- تامىز كۇنى اقتاۋ سامميتىنە قاتىسقان بەس ەلدىڭ باسشىلارى كاسپيدىڭ قۇقىقتىق مارتەبەسى تۋرالى كونۆەنتسياعا قول قويدى.