يليا يليننىڭ بۇرىنعى جارى ازيادادا قازاقستانعا جەڭىس الىپ كەلدى
ءبىرىنشى ءۇندىستان قۇراماسىن - 36:19 ەسەبىمەن ۇتتى، ال قىتاي قۇراماسىن - 27:26 ەسەبىمەن جەڭدى. قىتايلارمەن وتكەن ويىندا ىسقىرىق شالىنعانعا دەيىن ەكى سەكۋند قالعاندا ناتاليا يلينا (اۋىر اتلەتيكادان ءتورت دۇركىن الەم چەمپيونى يليا يليننىڭ بۇرىنعى جارى) گول سالىپ كەتتى. قازىرگى ۋاقىتتا قازاقستان قۇراماسى ءتورت ۇپايمەن ەكىنشى ورىندا كەلەدى، ءبىرىنشى ورىندا - وڭتۇستىك كورەيا قۇراماسى (قوسىمشا كورسەتكىشتەر بويىنشا). ارى قاراي قىتاي، ك ح د ر جانە ءۇندىستان - ولار ازىرگە ۇپاي جيناعان جوق.
جارتىلاي فينالعا شىعۋ ءۇشىن ءبىرىنشى نە ەكىنشى ورىندى الۋ كەرەك. گاندبولدان قازاقستان ايەلدەر قۇراماسى 2002 جانە 2006 -جىلى ازيادا ويىندارىندا كۇمىس مەدال، ال 2014 -جىلى قولا مەدالدى يەلەنگەن.
يليا مەن ناتاليا يليندەر 12 جىل بىرگە تۇرعان. سپورتشىلار 2017 -جىلى ايىرىلىسىپ كەتتى. ولاردىڭ ورتاق قىزى بار. ناتاليا - تالاي مارتە گاندبولدان قازاقستان چەمپيونى اتانعان. ەكى رەت الەم بىرىنشىلىگىنە قاتىستى.