قىتاي ايدى زەرتتەيتىن جاڭا اپپارات جاسادى

 استانا. قازاقپارات - قىتاي ايدىڭ بۇرىن زەرتتەلمەگەن الىس جاعىن زەرتتەيتىن جاڭا اپپارات جاساعانىن جاريالادى. اپپارات بيىل جەلتوقساننىڭ باسىندا ۇشىرىلماق.

قىتايدىڭ مەملەكەتتىك اقپارات قۇرالدارىنىڭ حابارلاۋىنشا، «چانە 4» اپپاراتى ايدىڭ كۇن ساۋلەسى جەتپەگەن بولىكتەرىنە «جەڭىل قونىپ»، اقپارات جينايدى.

ا ق ش عارىشتىق باعدارلاماسىن قىسقارتىپ جاتقاندا قىتاي كەرىسىنشە، عارىشتى يگەرۋگە كوپ كۇش سالىپ جاتىر.

مامىر ايىندا قىتاي ايدىڭ قاشىق تۇستارىنان مالىمەت جينايتىن «تسيۋەتسياو» عارىش اپپاراتىن ۇشىرعان.

قىتايدىڭ ايدى زەرتتەيتىن، ۇشقىشسىز باسقارىلاتىن العاشقى اپپاراتى - «يۋتۋ» 2013-جىلى جەلتوقساندا ايعا قونعان. اپپارات ءۇش اي ۋاقىت قانا جۇمىس ىستەيدى دەپ ەسەپتەلگەنىمەن، ول 2016-جىلدىڭ شىلدەسىنە دەيىن جەرگە اقپارات جىبەرىپ تۇرعان. بۇل اپپارات ايدا ەڭ ۇزاق (31 اي) جۇمىس ىستەگەن اپپارات سانالادى.