قازاقستاندا تۇسىرىلگەن ۇرەي تۋدىراتىن فيلم رەسەيلىك پروكاتقا الىندى

استانا. قازاقپارات - جاس كينەماتوگرافيستەر تۇسىرگەن «تۇنەكتە» فيلمى قازاقستاندىق پروكاتقا شىقتى، دەپ حابارلايدى قازاقپارات ءتىلشىسى.

سەناري اۆتورى جانە فيلمنىڭ تەڭ پروديۋسەرى - دانيار اقشابايەۆ. باستى رولدەردە دانيار بەيسوۆ، ءسابينا ەرالينا، رىسقۇل قوناقبايەۆ، پارحات جاليلوۆ، ماكسيم بوگومولوۆ، نازەركە ءامىروۆا، الماس جاراسقان وينايدى. سونداي- اق ءىبىلىستىڭ ءرولىن البان كارىم ۇلى مەن ديار ءمىرسادىقوۆ سومداعان.

الماتىدا وتكەن فيلمنىڭ تۇساۋكەسەر كورسەتىلىمىنەن كەيىن «قازاقپارات» ءتىلشىسى كينوتۋىندىعا قاتىسۋشىلارعا بىرنەشە ساۋال قويىپ، سىنعا قالاي قارايتىندىقتارىن بىلگەن بولاتىن.

«ءبىز سىندى دا دۇرىس قابىلدايمىز، بارىنە دە دايىنبىز. ءبارى دە تاماشا، ءساتتى بولاتىن رەجيسسەرلەر دە بار. ءبىراق، بارىندە ولاي بولا بەرمەيدى عوي. ءبىز قاتەلىكتەن ۇيرەنەمىز ءارى بۇل دۇرىس تا»، - دەيدى اكتريسا سابينا ەرالينا.

«اركىمنىڭ ءوز پىكىرى بار جانە ءبىز ونى قابىلدايمىز»، - دەپ قوستادى ارىپتەسىن رىسقۇل قوناقبايەۆ.

فيلمدى پروكاتتاۋشى كومپانيا ءقازىردىڭ وزىنە قازاقستاندىق تۋىندىعا رەسەي تاراپىنان قىزىعۋشىلىق بار ەكەندىگىن ايتتى.

«ءبىز رەسەيلىك پروكاتقا شىعۋدى جوسپارلاپ، ءىرى جەلىلەرمەن كەلىسسوزدەر جۇرگىزۋدەمىز. ولار جۇمىس ماتەريالدى كورىپ شىقتى جانە جىلدىڭ سوڭىنا دەيىن رەسەيدىڭ 10 قالاسىندا كورسەتۋىمىزگە مۇددەلىك تانىتىپ وتىر»، -  دەدى فيلمدى پروكاتتاۋشى كومپانيانىڭ وكىلى اننا دارمودەحينا.

ايتا كەتەرلىگى، بۇل فيلم وسى جىلدىڭ 19 -ساۋىرىندە ۇلكەن ەكرانعا جول تارتۋ ءتيىس بولاتىن. الايدا كەيبىر سەبەپتەرگە بايلانىستى فيلم بۇگىن عانا كورسەتىلىپ وتىر.

ءتۇسىرىلىم توبى گولليۆۋد فيلمدەرىنەن ەش كەم تۇسپەيتىن كينو تۇسىرۋگە تىرىسقان. يدەيا تۋىنداعاننان باستاپ، ءتۇسىرىلىم جۇمىستارىنا دەيىن 2 جىل ۋاقىت وتكەن. نەگىزگى ەپيزودتار المااراسان مەن باۋم باعىندا تۇسىرىلگەن.

 

اۆتور: البەرت احمەتوۆ