جەر شارىن قۇتقاراتىن ونەرتابىستار

نۇر-سۇلتان. قازاقپارات - سوڭعى جىلدارى ادامزات دامۋى بۇرىس جولدا كەتىپ بارا جاتقاندىعىن عالىمدار تۇسىنە باستادى. سەبەبى جەر جىلدان جىلعا ىسىپ بارادى. انتاركتيكا قۇرلىعىنداعى ماڭگىلىك مۇزدار ەرۋدە.

تابيعي بايلىق كەمىپ، ەكوجۇيە بۇزىلىپ، ءار جىلى اۋا رايى وزگەرىپ كەلەدى. تابيعي اپاتتار كوبەيۋدە. عالىمدار تەحنولوگيانىڭ كومەگىمەن عالامشارىمىزعا پايدالى ءتۇرلى زاتتار مەن قۇرىلعىلار شىعارىپ جاتىر. ادامزاتتىڭ الدىنداعى ەڭ ءبىرىنشى ماقسات ءار جىلى شىعارىلىپ جاتقان ميلليونداعان قوقىستان ارىلۋ. نازارلارىڭىزعا عالامشارىمىزدىڭ لاستانۋ ماسەلەسىن ەڭ كەمىندە ءىشىنارا شەشۋگە كومەكتەسەتىن جاڭالىقتار مەن ونەرتابىستاردى ۇسىنامىز.

1. قوقىستان جاسالعان اياقكيىم "Adidas" كومپانياسى جەر شارىن قوقىستان تازالاۋعا ۇلەسىن قوسۋ ماقساتىندا مۇحيتتان جيناپ الىنعان پلاستيكتەن اياق كيىم مەن سپورتتىق كيىمدەردىڭ بىرنەشە ءتۇرىن جاساپ شىعاردى. ساپاسى كومپانيانىڭ وزگە ونىمدەرىنەن كەم ەمەس.

2. ءوز- وزىنەن جوعالاتىن ىدىس يسلانديالىق ستۋدەنت اري يونسون ىشىندە سۋ تۇرعاندا فورماسىن ساقتايتىن، ال سۇيىقتىق جوق بولسا ءوز- وزىنەن جوق بولىپ كەتەتىن ەرەكشە ىدىس ويلاپ تاپقان. تابەتىڭىزگە قاراي ونى جەۋگە دە بولادى ەكەن. دەنساۋلىققا زيانى جوق. مۇنداعى ماقسات جەر شارىنداعى قوقىس سانىن بىرگە بولسا دا ازايتۋ.

3. ەسكى بوتەلكەنىڭ جاڭا ءومىرى پلاستيكالىق ىدىستاردىڭ كوپتىگى سونداي، كەيبىر ادامدار ولاردان قايىق پەن ءۇي تۇرعىزىپ جاتىر. ولاردىڭ كوپ بولاتىندىعىنىڭ سەبەبى پلاستيك ماتەريال شىرىمەي 500 جىلعا دەيىن شىدايدى.

4. سۋدا ەرىپ كەتەتىن ىدىستار يندونەزيانىڭ "Avani" كومپانياسى پلاستيكتى ەكولوگيالىق تازا زاتتارمەن الماستىرۋدى ماقسات ەتىپ، قاعاز بەن جۇگەرى كراحمالىنان ىدىستار جاساپ شىعارعان. پايدالانىلعان ىدىستار جارتى جىل ىشىندە ءشىرىپ كەتەدى. ءتىپتى ولاردى سۋعا سالىپ ەرىتىپ جىبەرۋگە دە بولادى.

5. سۋ وتپەيتىن بانان قابىعى "Green Banana Paper" كومپانياسى قاعاز بەن تەرىنىڭ ورنىن باساتىن ەكولوگيالىق تازا ءونىمىن ۇسىندى. بانان قابىعىنان جاسالعان ءاميان بىرىنشىدەن - سۋ وتكىزبەيدى، ەكىنشىدەن - اينالادا قوقىستىڭ ازايۋىنا ۇلەس قوسادى.

6. اۋادان تازا سۋ وندىرەتىن قۇرىلعى جەر شارىنداعى قۇرعاقشىلىق اۋىز سۋىن ءوندىرۋدىڭ جاڭا جولىن قاراستىرۋعا ءماجبۇر ەتۋدە. "WaterSeer" قۇرىلعىسى سۋدى اۋانىڭ وزىنەن وندىرەدى. ول تاۋلىگىنە 37 ليتر سۋ جيناي الادى.

7. سۋدى ۇنەمدەيتىن دۋش "Nebia" - سۋدى ميلليونداعان تامشىعا اينالدىراتىن دۋش. ول سۋدى كوپ اعىزبايدى كەرىسىنشە بۋعا اينالدىرادى. "Nebia" ادەتتەگى دۋشتارعا قاراعاندا سۋدى 70 پايىزعا ۇنەمدەيدى.

8. قوقىس جينايتىن قۇرىلعى "Seabin" قۇىرىلعىسىن يسپانيالىقتار جاساپ شىعارعان. سىيىمدىلىعى 20 كەلى. ونى سۋداعى قوقىستار مەن مۇناي قالدىقتارىن جيناۋ ماقساتىندا جاساعان.

Massaget.kz