وتىرىك ايتۋ دەنساۋلىققا زيان

نۇر-سۇلتان. قازاقپارات - عالىمدار ادال ادامدار ءوزىن نەگە جاقسى سەزىنەتىنىنىڭ سەبەبىن انىقتاپ بەردى. امەريكانىڭ نوتر- دام ۋنيۆەرسيتەتىنىڭ عالىمدارى قىزىق زەرتتەۋ جاسادى.

ماقسات - ارتىق سويلەۋ، وتىرىك ايتۋدىڭ، جامان داعدىلاردىڭ دەنساۋلىققا اسەرىن انىقتاۋ. عالىمدار 18 بەن 71 جاس ارالىعىنداعى 200 ادامدى جيناپ، ولارعا تاپسىرما بەردى. بايقاۋعا قاتىسۋشىلاردىڭ جارتىسى 10 اپتا ىشىندە تەك قانا شىندىقتى ايتۋى ءتيىس، ال قالعاندارىن ءوز ەركىنە قويدى. دەمەك، كىم قانداي دەڭگەيدە وتىرىك سوعاتىنىن ايقىنداۋ قاجەت. ناتيجەسىندە الداعىشتاردىڭ ءجيى اۋىراتىنى انىقتالدى. ارينە، ءبىز وتىرىك ايتۋدىڭ جاقسى ەمەس ەكەنىن بىلەمىز. ءبىراق وزگەنى دە، ءوزىڭدى دە ۇياتقا قالدىرماۋ ءۇشىن ەندى قالاي ءومىر ءسۇرۋ كەرەك؟

بۇل جاعدايدىڭ ميىڭىزعا عانا ەمەس، جالپى پسيحيكاعا دا اسەر- ىقپالى كۇشتى. تاجىريبە سوڭىندا شىندىقتى قولداۋشىلار توبىنىڭ مۇشەلەرى ءوزىن الدەقايدا ءالسىز سەزىنگەن. كوڭىل- كۇيلەرى ءتۇسىپ، اينالاسىنداعىلارمەن تۇسىنىسە الماعان. ولاردىڭ باسقا توپتاعىلارعا قاراعاندا تاماعى جانە باس اۋرۋى قاتتى سەزىلگەن. كۇن سايىن بايقاۋعا قاتىسۋشىلار قانشا رەت شىندىقتى ايتقاندارى جونىندە انكەتا تولتىردى. ورتاشا ەسەپپەن العاندا، ولار اپتاسىنا 10-15 رەت وتىرىك ايتاتىن كورىنەدى.

شىندىق ايتۋ توبىنداعىلارعا دا وڭايعا سوققان جوق، ءبىراق ولار اپتاسىنا 3 ەسە از وتىرىك ايتاتىن بولىپ شىقتى. سونىمەن قاتار ەكى جاق جۇمىسقا كەشىگۋ، تۇنىمەن قايدا سەرۋەندەگەنى جونىندە اقيقاتتى ايتۋعا كەلگەندە اجەپتاۋىر ءسۇرىندى. قىسقاسى، ءبىز ادامداردىڭ كوبىسى ادال دەپ ويلايمىز. ال شىن مانىندە، دوكتور حاۋستىڭ ايتۋىنشا، وتىرىك ايتپايتىن ادام جوق ەكەن. قورىتا ايتقاندا، ءىرى وتىرىك ايتاتىندار، الداعىشتار ءبىرلى- جارىم ەكەن دە، ال ۇساق- تۇيەككە كەلگەندە ءبارىمىز الدىمىزعا جان سالمايتىن كورىنەمىز.

almaty-akshamy.kz