رەسەيدە جولاۋشىلاردى قۇتقارعان ەرجاننىڭ باسپانا ماسەلەسى شەشىلمەك

سەمەي. قازاقپارات - «سەمەي- ءنوۆوسىبىر» باعىتىندا ورتەنگەن اۆتوبۋستان جولاۋشىلاردى قۇتقارۋعا اتسالىسقان ەرجان امارحانوۆقا بۇگىن «تۇرعىن- ءۇي قۇرىلىس جيناق بانكى» ا ق سەمەي قالاسىنداعى فيليالى باسپانا الۋ ءۇشىن تەگىن ەسەپشوت اشىپ بەردى، دەپ حابارلايدى قازاقپارات.

بۇگىن ەرجان اتالمىش بانكپەن كەلىسىمگە وتىردى. اقشانىڭ تابىستىلىعىن ارتتىرۋ ماقساتىندا دەپوزيت ايەلى مەن ءوزىنىڭ اتىنا جەكەلەي اشىلادى. ياعني، مەملەكەتتىك سىياقى وسى دەپوزيتتەردىڭ ءارقايسىسىنا بەرىلەتىن بولادى. ال باسپانالار الار كەزدە «وتباسىلىق پاكەت» اياسىندا ەكى دەپوزيت ءبىر سالىمعا بىرىكتىرىلەدى. ەرجان وسى ارقىلى بولاشاقتا تومەن پايىزدىق مولشەرمەن جاڭا پاتەرگە يە بولا الادى.

«ءبىز باسىن قاتەرگە تىگە وتىرا ەرلىك تانىتقان جەرلەسىمىزگە ءوز ىقىلاسىمىزدى بىلدىرۋدەن شەت قالا المادىق. ەرجاندى ت ءۇ ق ج ب- نە شاقىرىپ، تۇرعىن ءۇي جيناقتارى جونىندە كەلىسىمگە وتىردىق. ال، ۇسىنىلعان العاشقى جارنانى ەكى شوتقا دا ءوزىمىز سالامىز» ، - دەدى «تۇرعىن- ءۇي قۇرىلىس جيناق بانكى» ا ق سەمەي قالاسىنداعى فيليالىنىڭ ديرەكتورى راۆيل سابيتوۆ.

 ەسكە سالا كەتەيىك، 37 جاستاعى قالا تۇرعىنى ەرجان امارحانوۆ تامىزدىڭ 4- كۇنى كەشكى ساعات 19.50 دە «سەمەي - ءنوۆوسىبىر» باعىتىندا ورتەنگەن جولاۋشىلار اۆتوبۋسىنان 48 ادامدى قۇتقارعان بولاتىن.

 بۇعان دەيىن قالا اكىمى ەرماك ءسالىموۆتىڭ قابىلداۋىندا بولعان ەرجانعا قارجىسىنىڭ جانىپ كەتۋىنە بايلانىستى، جەرگىلىكتى كاسىپكەر «گوردورستروي» ج ش س ديرەكتورى باۋىرجان قايرامبايەۆ 1 ميلليون تەڭگە تاپسىردى.