داناگۇل تەمىرسۇلتانوۆانىڭ قىزى ءتۇسىرىلىم الاڭىندا ءولىپ قالا جازدادى

  استانا. قازاقپارات - تانىمال اكتريسا داناگۇل تەمىرسۇلتانوۆانىڭ قىزى، وتاندىق جاس اكتريسا ايىم سەيتمەتوۆا اللەرگيا سالدارىنان ءولىپ قالا جازداعانىن ايتتى، دەپ حابارلايدى Stan.kz.

جاس اكتريسانىڭ ايتۋىنشا، ول ءتۇسىرىلىم الاڭىندا جۇرگەن كەزدە ۇستاماسى ۇستاپ قالعان.

«كەشە اللەرگيادان ءولىپ قالا جازدادىم. تۋرا ءتۇسىرىلىم الاڭىندا جۇرگەن كەزدە ۇستامام ۇستاپ قالدى.

دەسە دە بيىل اللەرگيا مۇلدە مازالاماعەن ەدى. ال كەشە اياق استىنان قاتتى اۋىرىپ قالدىم» ، - دەپ جازدى ايىم سەيتمەتوۆا Instagram-پاراقشاسىندا.

سونداي- اق، اكتريسا قازىرگى ۋاقىتتا ءوزىن ايتارلىقتاي جاقسى سەزىنەتىنىن ايتتى.

ءوز كەزەگىندە سەيتمەتوۆانىڭ جەلىدەگى وقىرماندارى ونىڭ جاعدايىنا الاڭداپ، ساۋىعىپ كەتۋىن تىلەپ جاتىر.

ايتا كەتسەك، ايىم تانىمال وتاندىق جۇپ - ازات سەيتمەتوۆ پەن داناگۇل تەمىرسۇلتانوۆانىڭ قىزى. ول «جىبەك» تەلەحيكاياسىنا تۇسكەننەن كەيىن كورەرمەنگە تانىلدى. بۇگىندە ايىم ناعىز Instagram جۇلدىزى ءارى تانىمال Yuframe ۆاينەرلەر توبىنىڭ ءبىر مۇشەسى.