قازاقستاندا گاز قىمباتتادى
ۇستىمىزدەگى جىلدىڭ شىلدە ايىنىڭ قورىتىندىسىنا سايكەس، گاز تاراتۋ جەلىسى بويىنشا جەتكىزىلەتىن تابيعي گازدىڭ باعاسى ءبىر جىلدا %8,2 وسكەن. ق ر- نىڭ ءىرى قالالارى مەن مەگاپوليستەرى اراسىندا گاز ءتاريفىنىڭ ءوسىمى تاراز (%19,9) بەن اقتوبە (%18,1) قالالارىندا اسا قاتتى بايقالعان. تارازدا گاز ءتاريفى ءبىر تەكشە مەتر ءۇشىن 23 تەڭگەدەن 25 تەڭگەگە وسكەن، ال اقتوبەدە 8 تەڭگەدەن 10 تەڭگەگە ءبىراق كوتەرىلگەن.
جەلى بويىنشا بولشەك ساۋداداعى تومەندەتىلگەن گازدىڭ باعاسى ءبىر جىلدا %9,1 وسكەن. اسىرەسە، استانا (%26,9) مەن پەتروپاۆل (%21,7) سىندى ءىرى قالالاردا باعا قاتتى كوتەرىلگەن. استانادا وتكەن جىلى تومەندەتىلگەن گازدىڭ 1 كەلىسى 110 تەڭگە بولسا، بيىل 140 تەڭگەگە جەتكەن. پەتروپاۆلدا بۇل كورسەتكىش 151 تەڭگەدەن 183 تەڭگەگە كوتەرىلگەن.
سونداي-اق، باللوندارداعى تومەندەتىلگەن گازدىڭ قۇنى وسكەنمەن، %5,1 ازىراق. اسىرەسە باعانىڭ ءوسىمى ورال (%25) مەن استانادا (%18,2) قاتتى بىلىنەدى. وتكەن جىلى ورالدا 50 ليتر باللون 2,4 مىڭ تەڭگە بولسا، بيىل 3 مىڭ تەڭگەگە، استانادا 2,3 مىڭ تەڭگەدەن 2,7 تەڭگەگە جەتكەن.
دەگەنمەن، ەلدە تابيعي گازدى ءوندىرۋ كورسەتكىشى جوعارىلاعان. العاشقى جارتىجىلدىقتىڭ قورىتىندىسىنا سايكەس، گاز ءوندىرۋ كولەمى 29,6 ميلليارد تەكشە مەترگە جەتكەن. بۇل وتكەن جىلمەن سالىستىرعاندا %8,3 جوعارى.