قىزىلوردادا ۇشەم دۇنيەگە كەلدى

قىزىلوردا. قازاقپارات - قىزىلوردا قالاسىندا ۇشەم دۇنيەگە كەلدى، دەپ حابارلايدى قازاقپارات ءتىلشىسى.

ءۇش قىزدىڭ اناسى 33 جاستاعى نازەركە شاتتىق قىزى احمەتوۆا بولسا، اكەسى - جاسۇلان وكسىكبايەۆ قالالىق جەرگىلىكتى پوليتسيا قىزمەتى باسشىسىنىڭ ورىنباسارى قىزمەتىن اتقارادى. ەرلى-زايىپتىلار قىزدارىنا ايلينا، جاسمينا، ءمادينا دەپ ەسىم بەرگەن. وتباسىنىڭ بۇعان دەيىن ءبىر ۇل مەن ءبىر قىز بولعان.

بۇگىن قىزىلوردا قالاسىندا ورنالاسقان «انا مەن بالا» ورتالىعىندا ۇشەمدەردى سالتاناتتى تۇردە شىعارىپ الۋ ءراسىمى بولىپ ءوتتى.

ايتا كەتەرلىگى، 2018 -جىلدىڭ 1-جارتىجىلدىعىندا وبلىس ورتالىعىندا 941 بالا دۇنيەگە كەلگەن. وتكەن جىلدىڭ وسى ۋاقىتىمەن (892) سالىستىرعاندا 44 بالاعا ءوسىم بار. ونىڭ 501 ى ەر، 440 قىز بالا. جىل باسىنان بەرى 16 ەگىزدەر قىزىلوردا قالاسىنىڭ تۇرعىندارى اتانعان.