ۋاليبەك ءابدىرايىموۆ: نەگىزى، مەن سوتتالىپ كەتەتىن اداممىن عوي

  استانا. قازاقپارات - بۇگىنگى قازاق ساتيراسىنىڭ ماقامى وزگەرگەن. ءازىل- ءاجۋالارى كەشەگى وسپانحان اۋباكىروۆ سىندى ساتيرا ساڭلاقتارىنىڭ حيكايالارىنا مۇلدەم ۇقسامايدى.

وسىلاي دەگەن «شانشار» تەاترىنىڭ ديرەكتورى ۋاليبەك ءابدىرايىموۆ ساتيراعا قاتىستى اشى شىندىعىمەن ءبولىستى.

بۇل تۋرالى HIT. TV ارناسىنا سىلتەمە جاساپ Stan.kz حابارلايدى.

ەڭبەك جولىن ورتا مەكتەپتە مۇعالىمدىكتەن باستاعان ۋاليبەك ءابدىرايىموۆ ۇستازدار تاقىرىبىنا ءجيى ءازىل ارناپ تۇرادى. ونەر يەسى بۇگىنگى قوعامداعى ءبىلىم بەرۋ سالاسىنا قاتىستى تۇيتكىلدى ماسەلەلەردى سىن ساداعىنا الىپ، ونىڭ زاردابىن ءاجۋالاپ كورسەتكەن.

«مىسالى ءبىلىم مينيسترلىگى تۋرالى قاتارىنان ەكى جىل ايتتىق. ءالىپبيدىڭ قايدا ەكەنىن سۇرادىق. «شىراعىم، انا سومكەنى كوتەرشى. اۋىر ەكەنىن ءبىلىپ الشى» ، - دەدىك. ال ونىڭ استارى قايدا كەتتى. نەگىزى، مەن سوتتالىپ كەتەتىن اداممىن عوي» ، - دەيدى ءابدىرايىموۆ.

ءسوز اراسىندا «شانشار» تەاترىنىڭ باسشىسى بۇگىنگى قازاق ءازىلىنىڭ جاعدايىنا كوڭىلىم توق دەگەندەي سىڭاي تانىتتى.

«جالپى قازىر ءبىزدىڭ ازىلدەرىمىزدە كەزىندە 80 -جىلداردىڭ اياعى، 90 -جىلداردىڭ باسىندا كىندىكتەن تومەن قاراي، اۋىلدىڭ اڭگىمەسىن ايتاتىن ءۇردىس كوبەيىپ كەتتى. كەيىننەن وسى توقتادى. قازىر قاتتى قۋاناتىنىمىز، وسى ماسەلە ايتىلمايدى. كۇلدىرەتىن مىقتىلار باسقا دۇنيەلەرمەن كۇلدىرىپ جاتىر» ، - دەيدى ۋاليەك ءابدىرايىموۆ.