شەتەلدىك ۆاليۋتاعا دۇرلىكپە سۇرانىس جوق - ۇلتتىق بانك

 استانا. قازاقپارات - قازاقستان ۇلتتىق بانكى ءتوراعاسىنىڭ ورىنباسارى ولەگ سمولياكوۆ ۇكىمەت وتىرىسى بارىسىندا قازاقستاندا شەتەلدىك ۆاليۋتاعا دۇرلىكپە سۇرانىستىڭ جوق ەكەنىن ايتتى، - دەپ حابارلايدى Tengrinews.kz ءتىلشىسى.

«سوڭعى اپتادا بايقالعان اۋىتقۋلاردىڭ ناتيجەسىندە دوللاريزاتسيا قۇرىلىمىندا ايتارلىقتاي وزگەرىستەر جوق. ياعني، ۇلتتىڭ ۆاليۋتانىڭ دوللارعا قاتىستى باعامىنىڭ السىرەۋىنە قاراماستان ايىرباس باعامىنىڭ ءرولى مۇندا ايتارلىقتاي ەمەس»، - دەدى ولەگ سمولياكوۆ.

سونداي-اق، ۇلتتىق بانك ءتوراعاسىنىڭ ورىنباسارىنىڭ ايتۋىنشا، ماماندار مامىر جانە ماۋسىم ايلارىندا تەڭگەمەن سالىنعان دەپوزيتتەردىڭ سانى ارتقانىن بايقاعان. «ءبىز قولما-قول ۆاليۋتا نارىعىندا كۇندەلىكتى باقىلاۋ جۇرگىزىپ وتىرامىز. جاعداي تۇراقتى، ۆاليۋتا دا جەتەدى جانە شەتەلدىك ۆاليۋتا تاراپىنان ەشقانداي دۇرلىكپەن سۇرانىس بايقالمايدى»، - دەدى ولەگ سمولياكوۆ.