وزگە ەلدەردىڭ ۆاليۋتاسىن قىتاي قالاي باقىلايدى

 استانا. قازاقپارات - قىتاي باسپاحاناسى وزگە مەملەكەتتەردىڭ ۇلتتىق ۆاليۋتاسىن باسىپ شىعارۋعا قاتىستى تاپسىرىستىڭ استىندا قالدى دەسە دە بولدى.

اسىرەسە، قىتايدىڭ «ءبىر بەلدەۋ - ءبىر جول» جاھاندىق جوباعا قاتىساتىن ەلدەردەن تاپسىرىس كوپتەپ تۇسۋدە.

بۇل جايىندا The South China Morning Post اقپارات كوزى حابار تاراتتى.

بۇل دا قىتايدىڭ سوڭعى ونداعان جىل ىشىندە الەمدەگى ءوزىنىڭ ەكونوميكالىق جانە ساياسي ىقپالىنىڭ ارتقانىن كورسەتىپ بەردى. مەملەكەتتىك قۇندى قاعازداردى باسىپ شىعارۋ جانە شەكۋ جونىندەگى كورپوراتسيا جەتەكشىسى ليۋ گۋيشەننىڭ ايتۋىنشا، وسى ۋاقىتقا دەيىن قىتايدا بىردە- ءبىر شەتەل اقشاسى باسىپ شىعارىلماعان ەدى.

«ءبىر بەلدەۋ - ءبىر جول» حاھاندىق جوباسى ىسكە قوسىلعان ساتتەن باستاپ، ياعني، 2013 -جىلدان بەرى العاش رەت 100 رۋپيلىك نەپالدىق كۋپيۋردى باسىپ شىعارۋ قولعا الىنعان. سول سول- اق ەكەن، اتالمىش كورپوراتسيا تايلاندتان، بانگلادەشتەن، شري-لانكادان، مالايزيادان، پولشادان، برازيليادان تاپسىرىس العان.

اتى اتالماعان مەملەكەتتەر دە بارشىلىق اقشا باسۋعا تاپسىرىس بەرگەن. بۇل اقپاراتتى جاريالاماۋدى سۇراعان.

ايتا كەتۋ كەرەك، قىتايدا اقشا باسىپ شىعاراتىن ونداعان باسپاحانا بار. بۇل باسپاحانالاردا جۇمىس ىستەيتىندەر قاراسى 18 مىڭنان اسىپ جىعىلادى. سالىستىرۋ ءۇشىن ايتا كەتسەك، ا ق ش-تاعى اقشا باسىپ شىعاراتىن بيۋرو قىزمەتكەرلەرىنىڭ قاراسى 2 مىڭنان اسپايدى. ال De La Rue بريتاندىق كومپانيادا اقشا باسىپ شىعارۋمەن 3,1 مىڭ ادام اينالىسادى.

دەسە دە قىتايدا كەيىنگى كەزدە سوڭعى تەحنولوگيالىق جەتىستىكتەرگە بايلانىستى قالتا تەلەفونىمەن ەسەپ ايىرىسۋ كەڭىنەن ەتەك الىپ كەلەدى. ياعني، قاعاز اقشاعا جانە تيىنعا قاجەتتىلىك ازايىپ كەلەدى. بۇل ولقىلىقتىڭ ورنىن وزگە ەلدەردىڭ تاپسىرىسى تولتىرىپ وتىر. قىتاي بيلىگى كەلتىرگەن مالىمەتكە قاراعاندا، 2016 -جىلى بولشەك ساۋدانىڭ تەك %10 ى عانا قولما-قول اقشامەن ەسەپ ايىرىسۋمەن جۇزەگە اسىرىلعان.

تاعى ءبىر ايتا كەتەتىنى، وسى ۋاقىتقا دەيىن الەم ەلدەرىنىڭ ۇلتتىق ۆاليۋتالارى باتىس ەلدەرىندە باسىپ شىعارىلىپ كەلگەن ەدى.

ماسەلەن، بريتانيالىق De La Rue كومپانياسى 140 ەلدىڭ اقشا بەلگىسىن باسىپ شىعارىپ كەلگەن بولاتىن. ال نەمىستەردىڭ Giesecke  جانە  Devrient كومپانياسى الەمنىڭ 60 ەلىنىڭ ۇلتتىق ۆاليۋتاسىن باسىپ شىعارىپ كەلگەن بولاتىن. وتكەن جىلدىڭ قورىتىندىسى بويىنشا قىتايدىڭ Zhongchao Special Security Technology كومپانياسى شەتەلدىڭ اقشاسىن باسىپ شىعارۋدا كوش باستاپ، ءبىرىنشى ورىنعا شىققان ەدى.

islam.kz