ب ۇ ۇ باس حاتشىسى كاسپيدىڭ مارتەبەسى تۋرالى كونۆەنتسيانى تاريحي قۇجات دەدى
بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
باس حاتشى ازەربايجان، يران، قازاقستان، رەسەي جانە تۇرىكمەنستاننىڭ كاسپي تەڭىزىنىڭ مارتەبەسى تۋرالى كونۆەنتسياعا قول قويعانىن قۇپتادى.
«وسى تاريحي قۇجات الەمدىك بەيبىتشىلىك پەن قاۋىپسىزدىكتى ساقتاۋعا قاجەتتى وڭىرلىك ىنتىماقتاستىقتىڭ ماڭىزدىلىعىن كورسەتەدى»، - دەلىنگەن مالىمدەمەدە.
گۋتەرريشتىڭ پىكىرىنشە، كونۆەنتسيا كاسپي تەڭىزى جاعالاۋىندا ورنالاسقان ەلدەردىڭ اراسىنداعى قوردالانىپ قالعان كوپتەگەن ماسەلەلەردى رەتتەۋدىڭ باعا جەتپەس تەتىگى، سونداي-اق وڭىردەگى تۇيتكىلدەردى تاراتۋعا قويىلعان ايتارلىقتاي باتىل قادام بولماق.
ب ۇ ۇ باسشىسى بەس ەلدى «وڭىرلىك ىنتىماقتاستىق پەن كوپجاقتى كەلىسسوزدەردىڭ تاريحي جەتىستىگىمەن» قۇتتىقتادى.
ەسكە سالا كەتەيىك، اقتاۋدا بەسىنشى كاسپي سامميتى وتىرىسىنىڭ قورىتىندىسى بويىنشا، قازاقستان، رەسەي، يران، ازەربايجان جانە تۇرىكمەنستان پرەزيدەنتتەرى كاسپي تەڭىزىنىڭ مارتەبەسى تۋرالى كونۆەنتسياعا قول قويعان بولاتىن.