قازاقستاندا اۋىل شارۋاشىلىعى ونىمدەرىنىڭ كولەمى ءوستى

استانا. قازاقپارات - اعىمداعى جىلدىڭ قاڭتار-شىلدە ايلارىندا ەلىمىزدەگى اۋىل، ورمان جانە بالىق شارۋاشىلىعى ءونىمىنىڭ جالپى كولەمى 1309,7 ميلليارد تەڭگەنى قۇرادى.

بۇل وتكەن جىلدىڭ وسى كەزەڭىندەگى كورسەتكىشكە قاراعاندا 3,5 پايىز كوپ، دەپ حابارلايدى قازاقپارات ستاتيستيكا كوميتەتىنە سىلتەمە جاساپ.

جالپى العاندا، اتالعان كەزەڭدە مال شارۋاشىلىعى بويىنشا ءونىم كولەمى - 1131,2 ميلليارد (وتكەن جىلدىڭ وسى كەزەڭىمەن سالىستىرعاندا ءوسىم 4,1 پايىز)، وسىمدىك شارۋاشىلىعىندا ءونىم - 163,6 ميلليارد تەڭگەنى قۇرادى.

ءوز كەزەگىندە اۋىل شارۋاشىلىعى سالاسىنداعى قىزمەتتەر كولەمى 2,1 ميلليارد تەڭگە بولدى. اڭشىلىق شارۋاشىلىعىنداعى قىزمەتتەر - 0,5 ميلليارد ، ورمان شارۋاشىلىعىندا - 7,7 ميلليارد ، بالىق اۋلاۋ مەن اكۆامادەنيەتتە - 4,6 ميلليارد تەڭگەنى قۇرادى.