اقتوبە ف ك بۇرىنعى باس ديرەكتورى سوت ارقىلى قىزمەتىن قايتا سۇرادى

اقتوبە. قازاقپارات - «اقتوبە» ف ك بۇرىنعى باس ديرەكتورى دميتري ۆاسيلەۆ سوت ارقىلى قىزمەتكە قايتا كەلمەك بولدى، دەپ حابارلايدى قازاقپارات ءتىلشىسى.

«اقتوبە» فۋتبول كلۋبىنىڭ قارجىسىن تالان- تاراجعا سالعانداردىڭ ءىسى سوتتا قارالىپ، بۇرىنعى باس ديرەكتور دميتري ۆاسيليەۆتىڭ جەكە مۇلكى تاركىلەنىپ، 8 جىلعا باس بوستاندىعىنان ايىرۋ جازاسى تاعايىندالدى. سوت زالىنان قاماۋعا الىنعان رەسەي ازاماتى قازاقستاننىڭ جوعارى سوتىنا تالاپ-ارىز ءتۇسىرىپ، تۇبەگەيلى اقتالىپ شىقتى. كەيىن اقتوبەگە قايتا كەلىپ، قالالىق سوتقا ارىز ءتۇسىردى. ءتىپتى، جۇمىس ورنىنا، قىزمەتىنە قايتا كەلۋدى ماقسات ەتتى.

«دميتري ۆاسيلەۆتىڭ ارىزى ءىشىنارا قاناعاتتاندىرىلدى. سوت قر قارجى مينيسترلىگىنەن د. ۆاسيليەۆتىڭ پايداسىنا تاركىلەنگەن 1668100 تەڭگە، 10450 رۋبل، 20 تۇرىك ليرى مەن 150 مولداۆالىق لەيتتى كەرى قايتارۋعا شەشىم قابىلدادى. سونىمەن قاتار، قۇنى 72000 رۋبل بولاتىن، ارنايى باعدارلاماسىنىڭ ليتسەنزياسى بار نوۋتبۋك، 650000 مىڭ تەڭگە بولاتىن تۇرعىن ءۇيدىڭ جالداۋ اقىسى، قازاقستاندىق قورعاۋشىلارعا تولەگەن 1240000 تەڭگە، مەديتسينالىق شىعىنعا تولەنگەن 7580 تەڭگە، تاماعى مەن جولاقىسىنا بەرىلگەن 2015390 تەڭگە، كولىك قاتىناسىنىڭ 361337 تەڭگە شىعىنى ارىز يەسىنە قايتارىلاتىن بولدى»، - دەپ حابارلادى وبلىستىق سوتتىڭ باسپا ءسوز قىزمەتى.

ال رەسەي قورعاۋشىلارىنا جۇمسالعان 1000 ا ق ش دوللارىن قايتارۋ، 2018 -جىلدىڭ ءساۋىر ايىندا جەكە سوت ورىنداۋشىلارى بۇعاتتاعان 1094312 تەڭگەنى الۋ تۋرالى ءوتىنىشى قاراۋسىز قالدىرىلدى. سونىمەن قاتار، دميتري ۆاسيلەۆ ءوزىنىڭ ەشقانداي قىلمىس ىستەمەگەنىن ب ا ق- قا سوت شەشىمىمەن شىعارۋعا ءوتىنىش ايتقان بولاتىن. ءبىراق بۇل دا قاراۋسىز قالدى.

دميتري ۆاسيلەۆ ءوزىنىڭ، ايەلىنىڭ استانا قالاسىنداعى كولىك شىعىنىن دا سۇرادى. ول «اقتوبە» ف ك- داعى ەڭبەكاقىسىن، سىياقىسىن سۇراپ، جۇمىسقا قايتا ورنالاسۋعا ءوتىنىش بەردى. بۇل وتىنىشتەردى سوت قاراۋسىز قالدىردى.