ۇلتتىق بانك تەڭگەنىڭ كۇرت قۇنسىزداۋ سەبەبىن ءتۇسىندىردى

الماتى. قازاقپارات - ق ر ۇلتتىق بانكى ۆاليۋتا نارىعىنداعى احۋالعا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى بانكتىڭ باسپا ءسوز قىزمەتىنە سىلتەمە جاساپ.

«2018-جىلعى 13- تامىزداعى تاڭعى سەسسيا قورىتىندىسى بويىنشا، 1 دوللار 363 تەڭگەنى قۇرادى. بۇل وتكەن كۇندەرمەن سالىستىرعاندا، تەڭگە 15 ا ق ش دوللارىنا ءوسىپ نەمەسە %1,8  كە دەيىن قۇنسىزداندى. بۇل دامۋشى ەلدەر ۆاليۋتالارىنىڭ جالپى السىرەۋى ناتيجەسىندە بولىپ جاتقان قۇبىلىس»، - دەدى ق ر ۇلتتىق بانكىنەن.

دامۋشى ەلدەردىڭ اقشا نارىعىنداعى جاعداي گەوساياسي شيەلەنىستەن تۋىنداپ وتىر. سونداي-اق، ا ق ش- تىڭ رەسەي، قىتاي، تۇركيا سياقتى ەلدەرگە سالىپ وتىرعان سانكسيالىق ساياساتىنىڭ كورىنىسى. بۇل ديپلوماتيالىق قاتىناستاردىڭ شيەلەنىسۋىنە اكەلىپ وتىر.

«ا ق ش دوللارىنىڭ الەمدىك قارجى نارىعىنداعى جالپىلاما نىعايۋى بايقالادى. بۇل ەكونوميكاداعى وڭ تەندەنتسيانىڭ ىقپالىندا ا ق ش فەدەرالدى رەزەرۆ جۇيەسىنىڭ پايىزدىق مولشەرلەمەسىن كوتەرۋ جاعدايلارى بولجانۋدا. بۇل فاكتورلار دامۋشى ەلدەردىڭ نارىعىنداعى كاپيتالدىڭ دامىعان ەلدەر نارىعىنا قۇيىلۋىنا ىقپال ەتتى»، - دەدى ۇلتتىق بانكتەن.

ايتا كەتەيىك ۇلتتىق بانك تەڭگە باعامىن ەركىن اينالىمعا جىبەرگەنى بەلگىلى. سوندىقتان دا تەڭگە كۋرسى فۋندامەنتالدى فاكتورلاردىڭ ىقپالىمەن، نارىقتىق جاعدايعا ساي قالىپتاسادى.