ەلباسى تۇرىكمەنستان پرەزيدەنتى گۋربانگۋلى بەردىمۇحامەدوۆپەن كەزدەستى
مەملەكەت باسشىسى تۇرىكمەنستان پرەزيدەنتىنە ءىلتيپات ءبىلدىرىپ، حالىقتارىمىزدى تاريحي ءارى باۋىرلاستىق قاتىناستار بايلانىستىرىپ كەلە جاتقانىن ايتتى.
- ءسىزدىڭ قازاقستانعا ساپارىڭىزدان كەيىن ءبىزدىڭ ساۋدا قاتىناستارىمىزدىڭ جاندانعانى بايقالادى. الايدا، بۇل باعىتتاعى جۇمىستاردى ىلگەرىلەتۋ ءۇشىن الەۋەتىمىز ءالى دە جەتكىلىكتى، - دەدى قازاقستان پرەزيدەنتى.
گۋربانگۋلى بەردىمۇحامەدوۆ سامميتكە قاتىسۋعا مۇمكىندىك تۋعىزعانى ءۇشىن ريزاشىلىق ءبىلدىرىپ، ونىڭ ۇيىمداستىرىلۋى مەن وتكىزىلۋىن جوعارى باعالادى.
- بۇل كۇن عاسىرلار بويى قالىپتاسقان ءوزارا قارىم- قاتىناسىمىزعا تىڭ سەرپىن بەرىپ وتىر. قازىرگى كەزەڭدە ەكى جاقتى ىنتىماقتاستىقتى ودان ءارى كەڭەيتۋ ءۇشىن بارلىق مۇمكىندىك بار، - دەدى تۇرىكمەنستان پرەزيدەنتى.
كەزدەسۋ سوڭىندا تاراپتار وسى ايدىڭ سوڭىندا تۇرىكمەنستاندا وتەتىن ارال تەڭىزى پروبلەمالارىنا ارنالعان وتىرىستىڭ كۇن تارتىبىندەگى ماسەلەلەردى تالقىلادى.