نازاربايەۆ پەن پۋتين دۋشانبەدە بولاتىن ت م د سامميتىنىڭ ماسەلەلەرىن تالقىلادى
مەملەكەت باسشىسى رەسەي فەدەراتسياسىنىڭ پرەزيدەنتىنە ىنتىماقتاستىق ءۇشىن جاڭا مۇمكىندىكتەر مەن پەرسپەكتيۆالارعا جول اشاتىن كاسپي ماڭى ەلدەرىنىڭ ايتۋلى سامميتىنە بەلسەندى اتسالىسقانى ءۇشىن ريزاشىلىق ءبىلدىردى.
- ەكى جاقتى قارىم- قاتىناستارىمىز بارلىق باعىتتا، اسىرەسە، ەكونوميكا، اسكەري- تەحنيكا جانە عارىش سالالارىندا ىلگەرىلەپ كەلەدى. ەۋرازيالىق ەكونوميكالىق وداق اياسىنداعى ەكونوميكالىق ماسەلەلەر دە قارقىندى دامۋدا، - دەدى قازاقستان پرەزيدەنتى.
ۆلاديمير پۋتين نۇرسۇلتان نازاربايەۆتى كاسپي ماڭى ەلدەرى ءسامميتى جۇمىسىنىڭ ناتيجەلەرىمەن قۇتتىقتاپ، مۇنىڭ قازاقستاننىڭ وزىندە بولعان وقيعا رەتىندە تاريحقا ەنەتىنىن ايتتى.
- بۇل - جيىرما جىل ىشىندە قول جەتكىزىلگەن ەلەۋلى وقيعا. ۇزاققا سوزىلعان تالقىلاۋلار مەن پىكىرتالاستاردان كەيىن شەشىم تابىلدى. وسى شەشىمنىڭ كاسپي ماڭى وڭىرىندەگى ىنتىماقتاستىعىمىزدىڭ دامۋىنا سەپتىگىن تيگىزەتىنى ءسوزسىز، - دەدى رەسەي فەدەراتسياسىنىڭ پرەزيدەنتى.
ۆ. پۋتين ەكى ەل اراسىنداعى ءوزارا تاۋار اينالىمىنىڭ ارتقانىن اتاپ ءوتىپ، بارلىق ءىرى جوبالار مەن باعدارلامالار، سونىڭ ىشىندە عارىش، ەنەرگەتيكا جانە كولىك سالالارى ودان ءارى دامي بەرەتىنىن، سونداي- اق ەلدەرىمىزدىڭ وڭ ناتيجەلەرگە قول جەتكىزەتىنىنە سەنىم بىلدىرەتىنىن ايتتى.
- سىزگە رەسەي مەن قازاقستان قارىم- قاتىناستارىنا ەرەكشە كوڭىل بولگەنىڭىز ءۇشىن ريزالىعىمدى بىلدىرگىم كەلەدى، - رەسەي فەدەراتسياسىنىڭ پرەزيدەنتى.
سونىمەن قاتار، تاراپتار الداعى ۋاقىتتا وتەتىن پەتروپاۆل قالاسىندا وتەتىن ءوڭىرارالىق فورۋمنىڭ جانە دۋشانبەدە بولاتىن ت م د ءسامميتىنىڭ ماسەلەلەرىن تالقىلادى.