+7 (701) 759 90 19 Лента
8 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

تەمىرتاۋداعى ەڭ تانىمال كولىك - ترامۆاي

12 تامىز 17:12 467
:ءبولىسۋ
تەمىرتاۋداعى ەڭ تانىمال كولىك - ترامۆاي

قاراعاندى. قازاقپارات - تەمىرتاۋ تۇرعىندارى قالادا ءتۇرلى اۆتوبۋس، تاكسيلەردىڭ بولۋىنا قاراماستان، ەكولوگيالىق تازا كولىك - ترامۆايعا مىنگەندى ارتىق سانايدى.

قازاقپارات ءتىلشىسى قالاداعى ترامۆاي پاركىنىڭ جۇمىسىمەن تانىستى.

تەمىرتاۋدىڭ ترامۆاي جۇيەسى 1959 -جىلعى 5 -قىركۇيەكتە اشىلدى. قازاقستاندا ترامۆاي جەلىلەرى تەك تەمىرتاۋ، پاۆلودار جانە وسكەمەن قالالارىندا عانا قالعان. مەتاللۋرگتەر قالاسىندا ترامۆاي باعدارى بۇرىن تورتەۋ بولاتىن، قازىر سونىڭ تەك بىرەۋى پايدالانىلادى. قاراعاندى مەتاللۋرگيا كومبيناتى 1993 -جىلى قالا تۇرعىندارىنىڭ يگىلىگى ءۇشىن جەتى جاڭا ترامۆاي ساتىپ اپەردى. كەيىننەن قالا ورتالىعىنان ەڭ شەتكەرى جاتقان سەگىزىنشى شاعىن اۋدانعا دەيىن رەلس جاتقىزىلىپ، №3 جانە №4 -ترامۆاي باعدارلارى پايدا بولدى. №1- جانە №3 -باعدارلار 2005 -جىلدىڭ اياعىندا جابىلدى. ءقازىر ترامۆايدا ءجۇرۋ قۇنى - 50 تەڭگە.

 
تەمىرتاۋداعى ەڭ تانىمال كولىك - ترامۆاي

تەمىرتاۋ ترامۆاي پاركى باسشىسىنىڭ ورىنباسارى ۆالەريي سيۆكونىڭ ايتۋىنشا، پاركتە 180 ادام جۇمىس ىستەيدى. جۇمىسشىلاردىڭ بارلىعى تاجىريبەلى ماماندار. ماسەلەن، ەكىنشى كلاسستى جۇرگىزۋشى لاريسا ترۋحينا 25 -جىلدان بەرى ەڭبەك ەتىپ كەلەدى.

«مەن بۇكىل ءومىرىمدى وسى سالاعا ارنادىم. باستىسى، ول ماعان ۇنايدى. ترامۆايدى جۇرگىزۋ قيىن ەمەس، دەگەنمەن ءار جۇمىستىڭ وزىنە ءتان قيىندىقتارى بولادى. ءبىزدىڭ جۇمىستا ەرەكشە ساقتىق پەن قىراعىلىق، جىلدامدىقتى قاداعالاپ وتىرۋ قاجەت. تەمىرتاۋدا ترامۆاي 05:00-دەن 23:30-عا دەيىن جۇرەدى. ءار بريگادا - 12 ادامبىز. نەگىزىنەن ايەلدەر. ءبىزدى كۇندە جۇمىسقا اپارىپ، ۇيگە جەتكىزەدى. جەلىدە 18 ۆاگون بار، سونىڭ 12 سى اۋىسىممەن جۇمىس ىستەيدى، التاۋى قاۋىرت شاقتا جۇرەدى»، - دەيدى لاريسا ترۋحينا.


تەمىرتاۋداعى ەڭ تانىمال كولىك - ترامۆاي 

تۇرعىندار دا قالا ءۇشىن ترامۆاي وتە قاجەت ەكەنىن ايتادى.

«ترامۆاي قورشاعان ورتاعا زالال كەلتىرمەيدى، لاستامايدى. ونىڭ ۇستىنە ترامۆاي ورتالىق كوشەدەن وتەدى، تۇرعىندار ءۇشىن ترامۆايدا جۇرگەن وتە ىڭعايلى»، - دەيدى قالا تۇرعىنى شىرايگۇل يسابايەۆا.

بۇدان تىس، ترامۆاي تەمىرتاۋ تۇرعىندارىنىڭ ومىرىندەگى ىستىق ەستەلىكتەردىڭ ءبىر بولىگى. بىتىرۋشىلەر، جاڭا شاڭىراق كوتەرگەندەر ترامۆايلاردى جالعا الىپ، ءىشىن ارلەپ، داستارقان جايىپ، قالادا قىدىرعاندى سانگە اينالدىرعان.

  
تەمىرتاۋداعى ەڭ تانىمال كولىك - ترامۆاي


تەمىرتاۋداعى ەڭ تانىمال كولىك - ترامۆاي


باستى سوزدەر: ايماق,
:ءبولىسۋ
ونلاين قىزمەتكەرلەر
مۇراعات