+7 (701) 759 90 19 Лента
8 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

كاسپي ماڭى مەملەكەتتەرىنىڭ اقتاۋ سامميتى باستالدى

12 تامىز 14:52 557
:ءبولىسۋ
كاسپي ماڭى مەملەكەتتەرىنىڭ اقتاۋ سامميتى باستالدى

اقتاۋ. قازاقپارات - بۇگىن اقتاۋدا بەس ەل پرەزيدەنتتەرىنىڭ قاتىسۋىمەن كاسپي ماڭى مەملەكەتتەرىنىڭ بەسىنشى سامميتى ءوز جۇمىسىن باستادى، دەپ حابارلايدى قازاقپارات.

اقتاۋداعى «دوستىق ۇيىندە» ەلباسى نۇرسۇلتان نازاربايەۆ رەسەي پرەزيدەنتى ۆلاديمير پۋتيندى، ازەربايجان پرەزيدەنتى يلحام اليەۆتى، يران پرەزيدەنتى حاسان رۋحانيدى جانە تۇرىكمەنستان پرەزيدەنتى گۋربانگۋلى بەردىمۇحامەدوۆتى كۇتىپ الدى.

ق ر پرەزيدەنتى ن. نازاربايەۆ سامميت بارىسىندا بەس تاراپپەن كەلىسىلگەن كۇن ءتارتىبى بويىنشا نەگىزگى ءۇش ماسەلە قارالاتىنىن اتاپ ءوتتى. اتاپ ايتقاندا، ولار كاسپي تەڭىزىنىڭ قۇقىقتىق مارتەبەسى، كاسپيدەگى ىنتىماقتاستىق ماسەلەلەرى، ايماقتىق جانە حالىقارالىق تاقىرىپتاردى قامتيدى.

بۇگىندە اقتاۋ سامميتى دەپ اتالىپ كەتكەن بۇل ماڭىزدى شارا بارىسىندا كاسپي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلادى دەپ كۇتىلۋدە. قۇجات تەڭىز اكۆاتورياسىن، كاسپي تەڭىزى ءتۇبىن بولۋگە، بيورەسۋرستاردى قورعاۋعا، بالىق اۋلاۋعا، سونىمەن قاتار كاسپي تۇبىمەن قۇبىر تارتۋعا قاتىستى ەرەجەلەردى قامتيدى.

الدىن الا مالىمەت بويىنشا، قازاقستان تاراپىنان 150-دەن استام، ال شەتەلدەن 200-دەن ارتىق تىلشىلەر اقتاۋ سامميتىنە تىركەۋدەن وتكەن. قازىرگى ساتتە باسپا ءسوز ورتالىعىنا كاسپي ماڭى ەلدەرى قۇرامىنداعى قازاقستان، ازەربايجان، يران، رەسەي جانە تۇركىمەنستان ەلدەرىنىڭ ءىرى بۇقارالىق اقپارات قۇرالدارى جينالدى. سونىمەن قاتار، اقتاۋ سامميتىنەن اقپارات تاراتۋ ءۇشىن شاھارعا ەۋروپا مەن اراب ەلدەرىنىڭ، ا ق ش-تىڭ، قىتايدىڭ بەدەلدى تەلەارنالارى، اقپارات اگەنتتىگى وكىلدەرى كەلدى.

ەستەرىڭىزگە سالا كەتەيىك، جاقىندا «قازاقپاراتتا» جاريالانعان سۇحباتتا ق ر سىرتقى ىستەر ءمينيسترى قايرات ءابدىراحمانوۆ كاسپي تەڭىزىنىڭ قۇقىقتىق مارتەبەسى انىقتالاتىن كەزدەسۋ تۋرالى ءوز پىكىرىن بىلدىرگەن ەدى.

كاسپي تەڭىزىنىڭ قۇقىقتىق مارتەبەسى تۋرالى كونۆەنسيا جوباسىن ازىرلەۋ بەسجاقتى فورماتتا جۇرگىزىلدى جانە وندا كورسەتىلگەن بارلىق تۇجىرىمدامالار مەن ەرەجەلەر كونسەنسۋس نەگىزىندە قابىلداندى.

«ءبىزدىڭ پىكىرىمىزشە، بۇل قۇجات وتە تەڭدەستىرىلگەن جانە وندا كەلىسسوزدەر پروتسەسىنىڭ بارلىق قاتىسۋشىلارىنىڭ مۇددەلەرى ەسكەرىلگەن»، - دەدى ق. ءابدىراحمانوۆ.


كاسپي ماڭى مەملەكەتتەرىنىڭ اقتاۋ سامميتى باستالدى
كاسپي ماڭى مەملەكەتتەرىنىڭ اقتاۋ سامميتى باستالدى
كاسپي ماڭى مەملەكەتتەرىنىڭ اقتاۋ سامميتى باستالدى
كاسپي ماڭى مەملەكەتتەرىنىڭ اقتاۋ سامميتى باستالدى


باستى سوزدەر: سئرتقئ ساياسات,
:ءبولىسۋ
ونلاين قىزمەتكەرلەر
مۇراعات