+7 (701) 759 90 19 Лента
8 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى

12 تامىز 12:18 466
:ءبولىسۋ
اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى

اقتاۋ. قازاقپارات - اقتاۋدا 4-شاعىناۋدانداعى تەڭىز جاعالاۋىنداعى جارتاستار ءتۇرلى ءتۇستى شامدارمەن جارىقتاندىرىلىپ، سۇرلەۋ جول سالىندى، دەپ حابارلايدى قازاقپارات ءتىلشىسى.

كوركى الىستان كوز تارتاتىن بۇل ادەمىلىككە قالا تۇرعىندارى ريزا. كۇن سايىن تۇنگى كورىنىستى كورۋگە قالا قوناقتارى دا كوپتەپ كەلۋدە. جوبا اۆتورى مارات سۇيىنىكوۆتىڭ ايتۋىنشا، ازىرشە جارتاستارداعى جارىق شامدار سىناقتان وتۋدە. سوندىقتان كەيىن وشىرىلەدى.

«جوبا 2019 -جىلدىڭ شىلدە ايىندا اياقتالادى دەپ جوسپارلانعان. ءالى جاسالاتىن ءبىراز جۇمىستار بار. ازىرشە، بۇل سىناقتان ءوتىپ جاتىر. تولىق بىتكەن جوق. سوعان قاراماستان، كوپشىلىكتىڭ كوڭىلىنەن شىقتى»، - دەيدى مارات سۇيىندىكوۆ.

«جارتاستاعى سوقپاق» دەپ اتالاتىن جوبا 1 جىل 6 ايعا جوسپارلانعان ەدى. 5 ايدا العاشقى ناتيجەسىن كورسەتتى. مۇندا جارتاستى جاعالاي سۇرلەۋ جول سالىنىپ، حالىق دەمالاتىن ورىندىقتار قويىلدى. ۇڭگىرلەر اباتتاندىرىلىپ، قابىرعاعا ماڭعىستاۋ ءوڭىرىنىڭ تاريحىنان سىر شەرتەتىن كونە جازۋلار مەن سۋرەتتەر قاشاپ سالىنعان. سونداي-اق، ءتۇرلى شامدار ورناتىلدى.


اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى 

جارتاستىڭ تابيعي قالپىن ساقتاۋ ءۇشىن جۇمىستار قولمەن جاسالعان. قۇرىلىس اۋماعى 2 شاقىرىمدى قۇرايدى. ءتۇرلى تۇسكە بويالعان جارتاستاردىڭ ۇزىندىعى 70 مەترگە دەيىن جەتەدى.

جوبانى كورۋگە 5 ەلدىڭ باسشىلارى كەلەدى دەپ جوسپارلانعان. ولار وسى جەردە تەاترلاندىرىلعان قويىلىمدى تاماشالايدى.

 
اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى
اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى
اقتاۋدا تەڭىز جاعاسىنداعى جارتاستار تۇندە جارقىراپ جاناتىن بولدى


باستى سوزدەر: ايماق,
:ءبولىسۋ
ونلاين قىزمەتكەرلەر
مۇراعات