قازاقستان مەكتەپتەرىندە العاشقى قوڭىراۋ قاشان سوعىلادى

None
None
استانا. قازاقپارات - قازاقستان مەكتەپتەرىندەگى العاشقى قوڭىراۋ 1 -قىركۇيەكتە سوعىلادى، دەپ حابارلايدى قازاقپارات استانا قالاسىنىڭ ءبىلىم باسقارماسىنا سىلتەمە جاساپ.

قازاقستان رەسپۋبليكاسى ءبىلىم جانە عىلىم ءمينيسترىنىڭ «ورتا ءبىلىم بەرۋ ۇيىمدارىندا 2018 - 2019 وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى» 2018 -جىلعى 5 -شىلدەدەگى № 322 بۇيرىعىنا سايكەس، جاڭا وقۋ جىلى 1 -قىركۇيەكتە باستالادى.

وقۋ جىلىنىڭ ۇزاقتىعى مەكتەپالدى دايىندىق سىنىپتارىندا - 32 وقۋ اپتاسى، 1 -سىنىپتاردا - 33 وقۋ اپتاسى، 2-11 (12) -سىنىپتاردا - 34 وقۋ اپتاسى بولماق. مەيرام كۇندەرىنە تۇسكەن ساباقتار وقۋ باعدارلاماسى مازمۇنىنىڭ كىرىكتىرىلۋى ەسكەرىلە وتىرىپ، قايتالاۋعا ارنالعان ساعاتتار ەسەبىنەن كەلەسى وقۋ كۇندەرىنە اۋىستىرىلادى.

سونىمەن بىرگە، وقۋ جىلىنداعى كانيكۋل كەزەڭدەرى انىقتالدى. 1-11 (12) -سىنىپتاردا: كۇزگى كانيكۋل - 7 كۇن (2018 -جىلعى 29 -قازان - 4 -قاراشانى قوسا العاندا)، قىسقى - 10 كۇن (2018 -جىلعى 31 -جەلتوقسان - 2019 -جىلعى 9 -قاڭتاردى قوسا العاندا)، كوكتەمگى - 13 كۇن (2019 -جىلعى 21 -ناۋرىز - 2 -ءساۋىردى قوسا العاندا)؛

مەكتەپالدى دايارلىق سىنىپتارىندا: كۇزگى كانيكۋل - 7 كۇن (2018 -جىلعى 29 -قازان - 4 قاراشانى قوسا العاندا)، قىسقى 14 كۇن (2018 -جىلعى 27 -جەلتوقسان - 2019 -جىلعى 9 -قاڭتاردى قوسا العاندا)، كوكتەمگى - 15 كۇن (2019 -جىلعى 21 -ناۋرىز - 4 -ءساۋىردى قوسا العاندا)؛

مەكتەپالدى دايارلىق سىنىپتارى مەن 1-سىنىپتاردا 7 كۇن مەرزىمدە (2019 -جىلعى 4-10 -اقپاندى قوسا العاندا) قوسىمشا كانيكۋل بەلگىلەنەدى.

  

سوڭعى جاڭالىقتار