+7 (701) 759 90 19 Лента
8 °С : استانا
1 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

11 تامىز 12:37 678
:ءبولىسۋ
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

استانا. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قىتايدا وتكەن «حالىق اندەرى» بايقاۋىندا قانداستارىمىز باس جۇلدەنى جەڭىپ الدى - قىتايدىڭ «ورتالىق حالىق راديوسى» (CNR)


الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ 

قىتايدىڭ حۋنان ولكەسىندە سانى از ۇلتتاردىڭ حالىق اندەرىن ورىنداۋشىلار اراسىندا مەملەكەتتىك دەڭگەيدەگى بايقاۋ ۇيىمداستىرىلدى، دەپ جازادى قىتايلىق kazakcnr.com سايتى.

دەرەككوز مالىمەتىنشە، حالىق اۋەندەرى بايقاۋىنا قىتايدا تۇراتىن موڭعول، قازاق، دۇڭگەن، تيبەت سەكىلدى سانى از ۇلتتار سانالاتىن حالىقتاردان 300 ونەرپاز قاتىسقان. ولار ءوز حالىقتارىنىڭ ۇلتتىق اندەرىن الامان ونەر باسەكەسىنە الا كەلگەن. اتالعان جارىستا قاتىسۋشىلار ەكى اينالىمدا باقتارىن سىنادى. ءبىرىنشى اينالىمدا ءاندى جاندى داۋىستا، مۋزىكا اسپابىنىڭ سۇيەمەلدەۋىمەن ورىنداسا، ال ەكىنشى اينالىمدا مۋزىكا اسپابىنىڭ سۇيەمەلدەۋىنسىز ورىنداۋى كەرەك بولعان. مىنە، وسى ونەر بايقاۋىنا قىتايدىڭ گانسۋ ولكەسىنىڭ اقساي قازاق اۆتونوميالىق اۋدانىندا تۇراتىن قانداستارىمىز دا قاتىسىپ، جۇلدەلى ورىنداردان كورىندى.


الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ


الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ 

«قىتايدىڭ حۋنان ولكەسىنىڭ چاڭشا قالاسىندا وتكەن «قىتايداعى ازساندى ۇلتتاردىڭ حالىق اندەرى» بايقاۋىندا اقساي قازاق اۆتونوميالىق اۋدانىنان قاتىناسقان «بەرەكە» توبى باس جۇلدەنى قانجىعالاسا، «دومبىرا» توبىنىڭ ەرلى- زايىپتى انشىلەرى ەرتاي قابدىكەي ۇلى مەن ءپاريدا قابياش قىزى 3- ورىندى ەنشىلەدى.

«بەرەكە» توبىنىڭ قۇرامىندا تورەبەك شاكەن ۇلى، تىلەك قىدىرموللا ۇلى، ىنتىماق راحات ۇلى، كەنجەباي ساۋلەتبەك ۇلى، مەيىرتاي وكەن ۇلى سەكىلدى انشىلەر ونەر كورسەتتى. ال جۇلدەگەرلەردىڭ وسى قۋانىشىن ەستىگەن اقساي اۋدانىنداعى جانكۇيەر جۇرت ونەرلى ۇل- قىزدارىنىڭ تابىستى ەڭبەگىن باعالاپ، الدارىنان شىعىپ، قۋانا قارسى الدى. اق كيمەشەكتى اپالار اق جارما كوڭىلدەرىن ءبىلدىرىپ، شاشۋ شاشسا، اق ساقالدى اتالار اق باتاسىن بەرىپ، قازاقتىڭ ادەت- عۇرپى بويىنشا سۋسىن الىپ شىعىپ، جۇلدەلى انشىلەرگە ۇسىندى»، - دەپ حابارلايدى قىتايدىڭ «ورتالىق حالىق راديوسىنىڭ» سايتى.

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ


الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

فۋتبولدان موڭعوليا چەمپيوناتىندا بايان- ولگەي قولا جۇلدەنى ەنشىلەدى - KAZNEWS

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

موڭعوليانىڭ بايانحونگور ايماعىندا وتكەن فۋتبولدان جاسوسپىرىمدەر اراسىنداعى موڭعوليا چەمپيوناتىندا بايان- ولگەي ايماعىنىڭ فۋتبولشىلارى قولا جۇلدەنى قانجىعالادى، دەپ حابارلايدى KAZNEWS اقپاراتتىق پورتالى.

«جارتىلاي فينالدا بايان- ولگەيلىك فۋتبولشىلار ءسۇحبااتار ايماعىن 4:1 ەسەبىمەن تىزە بۇكتىرىپ، فۋتبولدان جاسوسپىرىمدەر اراسىنداعى U16 ەل بىرىنشىلىگىنىڭ قولا جۇلدەگەرى اتانىپ وتىر. سونىمەن قاتار، «ۇلتتىق كۋبوك» ۇزدىكتەرى انىقتالدى. ت. سەرلان (بايان- ولگەي) ۇزدىك قاقپاشى اتانسا، ۇزدىك شابۋىلشى بولىپ ە. ەرقانات (بايان-ولگەي) تانىلدى.

تومەندەگى ۆيدەودان شيرەك فينالدا ايماعىمىزدىڭ ابىرويىن قورعاعان اياقدوپشىلارزدىڭ ۋۆس ايماعىمەن وتكىزگەن كەزدەسۋدەگى جەڭىستى ءساتىن كورە الاسىزدار»، - دەپ جازادى KAZNEWS اقپاراتتىق پورتالى.

الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - CNR

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

قىتايداعى الەم تۋريستەرى ءجيى باراتىن، بايىرعى جىبەك جولى بويىنداعى تاريحي-مادەني قالا دۇنحۋاڭنىڭ ايكول تۋريستىك ورتالىعىندا قازاقتىڭ سالت- ءداستۇرىن، مادەنيەتىن ناسيحاتتايتىن كيىز ءۇي بوي كوتەردى، دەپ جازادى قىتايلىق kazakcnr.com سايتى.

اتالعان ب ا ق- تىڭ جازۋىنشا، قازاقتىڭ كيىز ءۇيىن كونە دۇنحۋاڭ قالاسىنا قىتايدىڭ گانسۋ ولكەسىنىڭ اقساي قازاق اۆتونوميالىق اۋدانىنداعى ءسۇت ونىمدەرىن وندىرەتىن «قارا جورعا» ج ش س اپارىپ تىككەن. بۇل مادەني نىساندا تۋريستەر ءارتۇرلى ۇلتتىق تاعامداردىڭ ءدامىن تاتىپ، قازاقتىڭ ءداستۇرلى كيىم- كەشەگىن كيىپ، تاماشالاي الادى. سونىمەن بىرگە، حالقىمىزدىڭ باسقا دا سالت- داستۇرىمەن جاقىن تانىسۋعا مۇكىندىك جاسالعان. دۇنحۋاڭ - قانداستارىمىز تۇرىپ جاتقان اقساي اۋدانىمەن كورشى ورىنالاسقان قالا.

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ


الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

«دۇنحۋاڭ قالاسى - بايىرعى جىبەك جولى بويىنداعى ماڭىزدى قالا جانە قىتايداعى مەملەكەتتىك تاريحي- مادەني ورتالىقتاردىڭ ءبىرى. بۇل كونە قالا «دۇنحۋاڭ تاس ۇڭگىرى»، «دۇنحۋاڭ ەجەلگى قابىرعا سۋرەتتەرى» سەكىلدى ەرەكشە قۇندى، بايىرعى مادەني جادىگەرلەرىمەن الەمگە تانىلعان. وسىنداي ەجەلگى مەكەندى الەمنىڭ ءار تۇكپىرىنەن كورۋگە كەلەتىن تۋريستەر ەندى قازاق مادەنيەتىمەن دە جاقىن تانىسا الادى. تىپتەن، وسى ارقىلى تۋريستەردىڭ قىزىعۋشىلىعىن تۋدىرىپ، قوناقتاردىڭ قازاقتار مەكەندەگەن اقساي اۋدانىنا اتباسىن بۇرۋىنا، قازاق ۇلتىنىڭ تۇرمىس- تىرشىلىگىن، سالت- ءداستۇرىن تاماشالاۋىنا جول اشىپ وتىر»، - دەپ حابارلايدى قىتايدىڭ «ورتالىق حالىق راديوسىنىڭ» سايتى.

قازاقستاندا وتكەن «ارميا-2018» حالىقارالىق بايقاۋىندا يراندىق ۇشقىش ۇزدىك اتاندى - «فارس» اقپارات اگەنتتىگى

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

قازاقستاندا وتكەن «ارميا-2018» حالىقارالىق سايىسىنىڭ سوڭىندا ي ي ر اسكەرىنىڭ ۇشقىشسىز ۇشاقتار كومانداسى كاسىبي بىلىكتىلىك، ۇيىمشىلدىق جانە قايسارلىق تانىتقانى ءۇشىن ەڭ ۇزدىك كوماندا جانە مەھدي ياعۋبي وسى كەزەڭنىڭ ەڭ ۇزدىك ۇشقىشى اتاندى، دەپ حابارلايدى parstoday اقپارات اگەنتتىگى.

«يراننىڭ ۇشقىشسىز باسقارىلاتىن ۇشاقتارىنىڭ كومانداسى قازاقستاندا وتكەن اسكەري ويىنداردا بارلىق ميسسيانى، سونىڭ ىشىندە نىسانداردى كۇندىز جانە تۇندە 40 شاقىرىمعا دەيىنگى قاشىقتىقتا انىقتاۋ، ءورتتى اۋىزدىقتاۋ ماقساتىندا نىسانداردىڭ كوورديناتسيالارىن كورسەتۋ، ءبروندى باعان مەن كولىكتى باسقارۋ جانە جاردەم بەرىپ، قۇتقارۋ ميسسيالارىن ساتتىلىكپەن ورىندادى. قازاقستاننىڭ «وتار» اسكەري پوليگونىندا وتكەن «ارميا-2018» حالىقارالىق باسەكەسىنە يران اسكەرى تولىعىمەن جەرگىلىكتى ماماندار تاراپىنان جوبالانىپ، وندىرىلگەن «سافير» اتتى ۇشقىشسىز باسقارىلاتىن ۇشاقپەن قاتىستى»، - دەپ جازادى «فارس» اقپارات اگەنتتىگى.

قازاقستان مەن قىتاي كاسىپكەرلەرى بىرىگىپ، «ەلەكتروندىق ساۋدا الاڭىن» قۇردى - «جەنمين جيباو»

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

قىتاي مەن قازاقستان ەلدەرىنىڭ اراسىنداعى «قورعاس» شەكارا ماڭى ىنتىماقتاستىعى حالىقارالىق ورتالىعىندا قوس ەلدىڭ كاسىپكەرلەرى ورتاق «ەلەكتروندىق ساۋدا الاڭىن» قۇردى، دەپ حابارلايدى kazakh.people.com.cn سايتى.

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

«قورعاس» شەكارا ماڭى ىنتىماقتاستىعى حالىقارالىق ورتالىعىندا قىتاي مەن قازاقستان ەلدەرىنەن كەلگەن كاسپىكەرلەر بىرىگىپ قۇرعان «ەلەكتروندىق ساۋدا الاڭى» بار. وسى ساۋدا ورتالىعىندا جۇمىس ىستەيتىن قازاقستان ازاماتى باقىت بوتابەك ۇلى ءارتۇرلى ونىمدەردى جارنامالاۋعا جاۋاپتى. ولار قىتايدان كەلگەن ەلەكترونيكا، تەحنيكا، كيىم-كەشەك سەكىلدى تۇرمىستىق بۇيىمداردى قازاقستاندىق تۇتىنۋشىلارعا تانىستىراسا، ال ورتالىق ازيا ەلدەرىنىڭ ساپالى ازىق- تۇلىكتەرىن قىتايلىق تۇتىنۋشىلارعا تانىستىرادى. 2018 -جىلدىڭ ناۋرىز ايىندا اشىلعان «ەلەكتروندىق ساۋدا الاڭى» ەكى ەلدىڭ ءتيىمدى ساۋدا ساياساتىنىڭ ارقاسىندا تابىستى جۇمىس اتقارىپ جاتىر»، - دەپ جازادى «جەنمين جيباو» سايتى.

اۋعانستان ساۋدا دەلەگاتسياسى استاناعا كەلدى - TRT

 
الەمگە تانىمال تۋريستەر قالاسىندا قازاقتىڭ كيىز ءۇيى تىگىلدى - شەتەلدەگى قازاق ءتىلدى ب ا ق- قا شولۋ

اۋعانستاننىڭ ونەركاسىپ جانە ساۋدا ءمينيسترى حۋمايۋن راساۆ باستاعان كاسىپكەرلەر دەلەگاتسياسى قازاقستاننىڭ استانا قالاسىنا كەلدى، دەپ حابارلايدى تۇركيا راديو تەلەۆيزيا پورتالى.

«ق ر ينۆەستيتسيالار جانە دامۋ مينيسترلىگىنىڭ قولداۋىمەن اۋعانستاننىڭ ونەركاسىپ جانە ساۋدا ءمينيسترى حۋمايۋن راساۆ باستاعان كاسىپكەرلەر دەلەگاتسياسى استاناعا كەلدى. ءىس-شاراعا 40 تان استام ىسكەر توپ وكىلدەرى قاتىستى، ولاردىڭ 20 دان استامى اۋعان بيزنەسىن تانىستىردى. ساپار بارىسىندا قازاقستان رەسپۋبليكاسىنىڭ ينۆەستيسيالار جانە دامۋ ۆيتسە- ءمينيسترى ارىستان قابىكەنوۆ اۋعانستان دەلەگاتسياسىمەن كەزدەستى. تاراپتار ءتۇرلى سالالارداعى ساۋدا- ينۆەستيتسيالىق، اۋىل شارۋاشىلىعى، جەر جانە اۋە كولىگى، سونداي- اق گەولوگيا جانە مينەرالدى رەسۋرستار سياقتى ءتۇرلى سالالاردا قازاقستان- اۋعانستان قاتىناسىنىڭ قازىرگى جاعدايى مەن كەلەشەگىن تالقىلادى»، - دەپ جازادى TRT.

اتالعان ب ا ق-تىڭ مالىمەتىنشە، بۇل كەزدەسۋدىڭ ناتيجەسىندە ساۋدا- ەكونوميكالىق قاتىناستار بويىنشا ەكىجاقتى ىنتىماقتاستىق تاقىرىبىندا پىكىر الماسۋعا مۇمكىندىك تۋدى. كونفەرەنسيا قورىتىندىسى بويىنشا دەلەگاتسيا باسشىلارى كەلىسىلگەن حاتتاماعا قول قويدى. كەزدەسۋ سىندارلى جانە دوستىق قارىم- قاتىناس جاعدايىندا ءوتتى.

ەسكە سالا كەتسەك، 2018 -جىلدىڭ قاڭتار- ءساۋىر ايلارىندا قازاقستان مەن اۋعانستان اراسىنداعى تاۋار اينالىمى 180,2 ميلليون ا ق ش دوللارىن قۇرادى. بۇل وتكەن جىلدىڭ سايكەس كەزەڭىمەن سالىستىرعاندا %19,3 عا جوعارى (151,1 ميلليون ا ق ش دوللارى). 2005 -جىلدان 2018 -جىلدىڭ ءبىرىنشى توقسانىنا دەيىن اۋعانستاننان قازاقستانعا تىكەلەي ينۆەستيسيالاردىڭ جالپى اعىنى 0,2 ميلليون ا ق ش دوللارىنا جەتتى. 2005 -جىلدان 2018 -جىلدىڭ ءبىرىنشى توقسانىنا دەيىن قازاقستاننان اۋعانستانعا تىكەلەي ينۆەستيسيالاردىڭ جالپى اعىنى - 0,3 ميلليون ا ق ش دوللارى.

  اۆتورى: باقىتجول كاكەش


باستى سوزدەر: شەتەل قازاقتارى ,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات