+7 (701) 759 90 19 Лента
19 °С : استانا
23 °С : الماتى
USD 360.71 EUR 411.53
RUB 5.38 CNY 52.62
جاڭالىقتار

قازاقستاندىق فيلم كانادادا كورسەتىلەدى

11 تامىز 11:47 359
:ءبولىسۋ
قازاقستاندىق فيلم كانادادا كورسەتىلەدى

 استانا. قازاقپارات - رەجيسسەر ەمير بايعازيننىڭ «وزەن» فيلمى Toronto International Film Festival كونكۋرستىق «پلاتفورما» باعدارلاماسىنا قاتىسىپ وتىر. بۇل تۋرالى قازاقپارات  قازاق فيلمنىڭ باسپا ءسوز قىزمەتىنە سىلتەمە جاساپ حابارلايدى.

اتالعان فيلمنەن بولەك، الەمنىڭ ءار قيىرىنان «ۇزدىك رەجيسسەرلىك كوزقاراستى كورسەتەتىن جوعارى دەڭگەيلى كوركەم» 11 اۆتورلىق كارتينا باق سىناپ وتىر. «اسلان تريلوگياسىنىڭ» ءۇشىنشى ءبولىمى شالعايداعى قازاق اۋىلىندا تۇراتىن باۋىرلاردىڭ ۇيىنە قالالىق كىسىنىڭ كەلۋىمەن ومىرلەرىندە وزگەرىس پايدا بولاتىنى تۋرالى باياندايدى. كارتينانىڭ تۇسىرىلىمدەرى (قازاقستان، نورۆەگيا جانە پولشانىڭ بىرلەسكەن ءوندىرىسى ) 2017 -جىلى الماتى وبلىسىندا وتكەن. فيلمگە بايعازين تريلوگياسىنىڭ بۇعان دەيىنگى بولىمدەرىندەگىدەي اۋەسقوي اكتەرلەر تۇسكەن جانە ءوزى قويۋشى- وپەراتور رەتىندە جۇمىس اتقارعان. «پلاتفورمانىڭ» بيىلعى قازىلار القاسى مۇشەلەرى نەمىس كينوسىنىڭ اڭىزى مارگارەتا فون تروتتا، ۆەنگەرلىك رەجيسسەر بەلا تارر جانە كورەيلىك رەجيسسەر ءارى جازۋشى لي چحان دوننان تۇرادى. كونكۋرستىق «پلاتفورما» باعدارلاماسى 2015 -جىلى ەنگىزىلگەن، وندا كوركەم فيلمدەر مەن قاتار دەرەكتى كينو دا قاتىسادى. جەڭىمپاز اتانعان فيلم رەجيسسەرىنە  25000 كانادالىق دوللار بەرىلەتىن بولادى. اشىلۋ سالتاناتىندا دجەيمي بەللانىڭ «دوننيبرۋك» دراماسى كورسەتىلىپ، كارولينا پوگگي مەن دجوناتان ۆاينەلدىڭ دەبيۋتتىك «دجەسسيكا ماڭگىلىك» كارتيناسىمەن فەستيۆال جابىلماق. اتالعان باعدارلامانىڭ قاتارىنا باستى رولدە نيكول كيدمان وينايتىن «جويۋشى» ءفيلمى دە كىرگەن. تورونتوداعى حالىقارالىق كينوفەستيۆال قىركۇيەكتىڭ 6 سى مەن 16سى ارالىعىندا وتەدى.

 ەستەرىڭىزگە سالا كەتەيىك، كارتينانىڭ وندىرىسىنە ق ر مادەنيەت جانە سپورت مينيسترلىگى، ش. ايمانوۆ اتىنداعى «قازاقفيلم» كينوستۋدياسى، Emir Baigazin Production, Norsk Filmproduksjon (نورۆەگيا) جانە Madants (پولشا) قاتىسقان.


قازاقستاندىق فيلم كانادادا كورسەتىلەدى


باستى سوزدەر: مادةنيةت,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
بەيسەن سۇلتان
بەيسەن سۇلتان
954-049
مۇراعات