+7 (701) 759 90 19 Лента
1 °С : استانا
13 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

پاۆلوداردا بەس قاشىقتىقتا وتەتىن بايگەنىڭ جۇلدەسىنە ەكى كولىك تىگىلدى

11 تامىز 14:23 545
:ءبولىسۋ
پاۆلوداردا بەس قاشىقتىقتا وتەتىن بايگەنىڭ جۇلدەسىنە ەكى كولىك تىگىلدى

پاۆلودار. قازاقپارات - 11 -تامىزدا ساعات «قۇلاگەر» يپپودرومىندا ساعات 11.00-دە قۇرىلىسشىلار كۇنىنە ارنالىپ بەس قاشىقتىقتان ات جارىسى وتكىزىلەدى، دەپ حابارلايدى pavlodarnews.kz.

پاۆلودار وبلىسىنىڭ ۇلتتىق ات تۇرلەرى سپورتى فەدەراتسياسى الامان بايگە، توق بايگە، قۇنان بايگە، جورعا جارىسى، جورعا بايگە جانە كوكپار ۇيىمداستىرادى.

جارىستاردىڭ جەڭىمپازدارى مەن جۇلدەگەرلەرىنە دەمەۋشىلەردىڭ قاراجاتتارى ەسەبىنەن اۆتوكولىك جانە اقشالاي سىيلىقتار قاراستىرىلعان. بۇل كۇنى ءوڭىردىڭ ارتىستەرى، بيشىلەرى جانە مۋزىكالىق ۇجىمدارى ونەر كورسەتەدى. «جاپپاي» كوكپارعا 50-دەن استام سپورتشى قاتىسادى.

8 شاقىرىمدىق قۇنان بايگەنىڭ 1-ورىنعا 1,2 ميلليون تەڭگە بەرىلەدى. 2,4 شاقىرىمدىق ۇشقىر جارىسىنىڭ ءبىرىنشى ورنىنا 1 ميلليون تەڭگە قاراستىرىلعان. 14 شاقىرىمدىق توق بايگەنىڭ باستى جۇلدەسى اۆتوكولىك، 2-ورىن - 1 ميلليون تەڭگە.

10 شاقىرىمدىق جورعا جارىسىنىڭ باس جۇلدەسى 1,5 ميلليون تەڭگە. 26 شاقىرىمدىق الامان بايگەنىڭ باستى جۇلدەسى «نيۆا» اۆتوكولىگى، 2-ورىنعا 1,5 ميلليون، 3-ورىنعا - 700 مىڭ بەرىلەدى.

الامان بايگە مەن توق بايگەدە بەسىنشى ورىنعا شەيىن جۇلدە قاراستىرىلعان.


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات