+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاننىڭ ەلشىسى تۇركيا ءدىن ىستەرى باسقارماسىنىڭ توراعاسىمەن كەزدەستى

10 تامىز 22:35 48
:ءبولىسۋ
قازاقستاننىڭ ەلشىسى تۇركيا ءدىن ىستەرى باسقارماسىنىڭ توراعاسىمەن كەزدەستى

استانا. قازاقپارات - قازاقستاننىڭ تۇركياداعى ەلشىسى ابزال ساپاربەك ۇلى تۇركيا رەسپۋبليكاسى ءدىن ىستەرى باسقاراماسىنىڭ ءتوراعاسى الي ەرباشپەن كەزدەستى.

بۇل تۋرالى قازاقپارات ق ر تۇركياداعى ەلشىلىگىنە سىلتەمە جاساپ حابارلايدى.

كەزدەسۋ بارىسىندا ەلشى ا. ساپاربەك ۇلى ءدىن ىستەرى باسقارماسىنىڭ باسشىسىن جاڭا قىزمەتىمەن قۇتتىقتاي وتىرىپ، ا. ج. 10-11 -قازان كۇندەرى ارالىعىندا استانادا وتەتىن الەمدىك جانە ءداستۇرلى دىندەر ليدەرلەرى سەزىنىڭ VI وتىرىسىنا دايىندىق جۇمىستارى تۋرالى مالىمەت بەردى. بۇدان بۇرىن وتكەن سەز وتىرىستارىندا كوتەرىلگەن كوكەيتەستى تاقىرىپتار مەن وزەكتى ماسەلەلەرگە كەڭىنەن توقتالدى. قازاقستاننىڭ ۇستانىپ وتىرعان كوپۆەكتورلى ساياساتى مەن بەيبىتشىلىكتى ورناتۋ بويىنشا اتقارىپ وتىرعان وڭتايلى ىستەرىن اتاپ ءوتتى.

سونىمەن قاتار، ا. ساپاربەك ۇلى رۋحانيات جانە مادەني- گۋمانيتارلىق سالا بويىنشا ەكى باۋىرلاس ەل اراسىنداعى قارىم- قاتىناستاردىڭ جوعارى دەڭگەيدە جالعاسىپ وتىرعاندىعىن جەتكىزدى.

ءوز كەزەگىندە، ت ر ءدىن ىستەرى باسقاراماسىنىڭ باسشىسى ەلشىگە العىس ايتىپ، ق ر پارلامەنتى سەناتىنىڭ ءتوراعاسى - الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ق. ك. توقايەۆتان كەلىپ تۇسكەن ارنايى شاقىرۋىنا ريزاشىلىعىن ءبىلدىردى. الەم بەيبىتشىلىگىنىڭ ورنىعۋىنا ەلەۋلى ۇلەس قوسىپ وتىرعان سەزدىڭ كەزەكتى وتىرىسىنا قاتىساتىندىعىن جەتكىزىپ، سەزدىڭ دايىندىق جۇمىستارىنا ساتتىلىك تىلەدى.

اڭگىمە بارىسىندا ا. ەرباش ءدىن سالاسى بويىنشا قازاقستانمەن ىنتىماقتاستىقتىڭ جوعارى دەڭگەيدە جالعاسىپ وتىرعاندىعىن جانە الداعى ەكى جاقتى ءوزارا ساپارلار بارىسىندا ونى ودان ارى جانداندىرۋدىڭ جولدارى تالقىلاناتىنىن جەتكىزدى.


:ءبولىسۋ
ونلاين قىزمەتكەرلەر
مۇراعات