+7 (701) 759 90 19 Лента
8 °С : استانا
1 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

استانانىڭ ساۋدا نۇكتەلەرىنە اۋكسيون بلوكچەين ارقىلى وتكىزىلەدى

10 تامىز 21:27 316
:ءبولىسۋ
استانانىڭ ساۋدا نۇكتەلەرىنە اۋكسيون بلوكچەين ارقىلى وتكىزىلەدى

استانا. قازاقپارات - Astana الەۋمەتتىك-كاسىپكەرلىك كورپوراتسياسى زاڭسىز كاسىپكەرلىكتى انىقتاۋ باعىتىندا جاسالىپ جاتقان جۇمىستار تۋرالى ايتتى، دەپ حابارلايدى قازاقپارات ءتىلشىسى.

«زاڭسىز ساۋدا جاساۋشىلار تۋرالى بىزگە شاعىمدار كەلىپ تۇسەدى، ءبىز ولاردى قابىلداپ ءتيىستى ورگاندارعا جىبەرەمىز. ءبىزدىڭ كورپوراتسيانىڭ باقىلاۋ جۇرگىزۋ قۇقىعى جوق. وسى ورايدا، ءبىز ءوز تاراپىمىزدان ادال كاسىپكەرلەردى قولداۋ ماقساتىندا وسى ايدان باستاپ QR كود جۇيەسىن ەنگىزۋدەمىز. ءاربىر كاسىپكەردە QR كودى بولادى. ول سمارت استانا قوسىمشاسىنداعى ايىرىقشا جۇيە»، - دەدى «Astana الەۋمەتتىك- كاسىپكەرلىك كورپوراتسياسى» ا ق باسقارما ءتوراعاسى نۇرلان جاقىپوۆ.

ونىڭ ايتۋىنشا اتالعان كودتىق جۇيەنىڭ نەگىزىندە قۇرىلعى ارقىلى كەز كەلگەن ادام كاسىپكەردىڭ ساۋدانى قانشالىقتى زاڭدى تۇردە جۇرگىزىپ جاتقانىن بىلە الادى.

«وسى تۇرعىدا زاڭسىز ساۋدا جاساۋ پروبلەماسى سيفرلىق تەحنولوگياعا كوشۋ ماسەلەسىن شەشتىك. وكىنىشكە قاراي، قولدانىستاعى زاڭ باقىلاۋشى ورگاندارعا زاڭسىز قويىلعان ساۋدا نۇكتەلەرىن الىپ تاستاۋ قۇقىعىن بەرمەيدى. ءبىر زاڭسىز ساۋدانى انىقتاۋعا كەمىندە 3 اي ۋاقىت كەرەك. ەندى ءبىز شاعىمدانۋشىلاردىڭ وتىنىشتەرىنە ۋاقتىلى جاۋاپ بەرۋ جانە زاڭعا وزگەرىس ەنگىزۋ ءۇشىن ءوزىمىزدىڭ ۇسىنىمدارىمىزدى ەنگىزۋدەمىز»، - دەدى ول.

سونىمەن قاتار، باسقارما باسشىسى ساۋدا ورىندارىنا اۋكسيوننىڭ بلوكچەين تەحنولوگياسى ارقىلى وتكىزىلىپ جاتقانىن ايتتى.

«بىزدە كاسىپكەرلەردەن قۇجاتتاردى قابىلداۋ ءراسىمى ونلاين جۇيەسىندە جۇزەگە اسىرىلادى. ادامدار قاعاز تاسىپ جۇرمەيدى. وسى ارقىلى ورىن الۋى مۇمكىن ءتۇرلى ادامي فاكتورلاردىڭ الدىن الساق، ودان ءارى اۋكتسيون بلوكچەين تەحنولوگياسى ارقىلى جۇرگىزىلەدى. بۇل ارقىلى ادامي فاكتورلاردى تولىعىمەن جويماقپىز»، - دەپ ايتىپ ءوتتى ن. جاقىپوۆ.

  


باستى سوزدەر: ايماق, قوعام,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات