+7 (701) 759 90 19 Лента
19 °С : استانا
23 °С : الماتى
USD 360.71 EUR 411.53
RUB 5.38 CNY 52.62
جاڭالىقتار

قازاقستاندىق جۇزدەگەن كومپانيا مەن بانكتەر حاكەرلەر قۇربانىنا اينالا جازدادى

10 تامىز 20:04 373
:ءبولىسۋ
قازاقستاندىق جۇزدەگەن كومپانيا مەن بانكتەر حاكەرلەر قۇربانىنا اينالا جازدادى

 استانا. قازاقپارات - قازاقستاندىق جۇزدەگەن كومپانيا مەن بانكتەر، ءتىپتى ۇكىمەتتىك ورگاندار حاكەرلەردىڭ قۇربانىنا اينالا جازدادى. انىقتالعانداي، ەڭ كوپ قولدانىستاعى ەلەكتروندى قۇجات الماسۋ جۇيەسىندە كىنارات بار بولىپ شىقتى.

ساراپشىلاردىڭ ايتۋىنشا، قۇپيا قۇجاتتار كيبەر شابۋىلشىلارعا جاريا بولا جازداعان. جۇيەنىڭ شيكىلىگى ەلىمىزدەگى كوپتەگەن كاسىپورىننىڭ بەرەكەسىن قاشىردى. ويتكەنى باعالى قاعازدار، قۇپيا قۇجاتتار قىلمىسكەرلەر قولىنا تۇسە جازداعان. ال قۇجات الماسۋدىڭ بۇل ءتۇرىن ۇلتتىق كومپانيالاردان باستاپ مينيسترلىكتەر مەن بانكتەر، ءتىپتى اۋرۋحانالار دا قولدانادى. ەلىمىز بويىنشا شامامەن 200 گە جۋىق مەكەمەنىڭ دەرەگى وسىندا ساقتاۋلى.

 ولجاس ساتيەۆ، ساراپتاما جانە كيبەر شابۋىلداردى تەرگەۋ ورتالىعىنىڭ پرەزيدەنتى:

 - بارلىق اقپارات وسى جۇيە ارقىلى وتەدى. ول نارىقتىعى ۇزدىكتەردىڭ قاتارىندا. ءبىز ولقىلىق تاپساق، دەمەك جۇيەنىڭ ابىرويىنا ادەيى نۇقسان كەلتىرىلگەن. ويتكەنى ولار 10 جىلدان بەرى نارىقتا. بۇل كەمشىلىكتى شەتەلدىك حاكەرلەر بىرنەشە جىل بۇرىن انىقتاپ، اقپارات جيناۋى مۇمكىن. ەلەكتروندى قۇجات الماسۋدىڭ اقىلدى جۇيەسىن ويلاپ تاپقان كومپانيا، قاتەسىن شۇقىپ كورسەتكەن ساراپشىلارعا العىس ايتۋعا اسىقپايدى. ولاردىڭ ايتۋىنشا، بۇل ولقىلىقتى انىقتاۋ ءۇشىن ساراپشىلار جۇيەنى زاڭسىز بۇزىپ كىرگەن. «ال بۇل قىلمىس» ، - دەيدى سەرىكتەستىك وكىلدەرى.

 بايجان كانافين، سەرىكتەستىك باسشىسى:

 - البەتتە، بۇل اقپارات ءبىز ءۇشىن ماڭىزدى. بىزگە كورسەتتى، قاتەمىزدى تۇزەدىك. مۇنداي Google-دا دا، Microsoft-تا دا بولادى. بۇل اقپارات جۇيە تۇتىنۋشىلارىن كادىمگىدەي ابىگەرگە سالدى. كەيبىرى ءتىپتى شۇعىل جينالىس وتكىزىپتى. ءبىز تىلدەسكەن ساراپشىلار «بۇلاي دۇرلىگۋدىڭ ءجونى بار» دەيدى. ويتكەنى مەملەكەتتىك قۇپيالارعا قاۋىپ ءتوندى. سوندىقتان ماماندار ەلدىڭ قاۋىپسىزدىك كەڭەسىنە شاعىمدانىپتى. ال جۇيە قولدانۋشىلارىنا تەز ارادا قۇپيا سوزدەرىن اۋىستىرىپ، ارنايى تەكسەرىس جۇرگىزۋگە كەڭەس بەرىلەدى.

 اۆتورلارى: ەرنۇر دوسجانوۆ، ايات دۇيسەمبايەۆ

www.24.kz


باستى سوزدەر: قوعام,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
بەيسەن سۇلتان
بەيسەن سۇلتان
954-049
مۇراعات