اجىراسقاندا قازاقستاندىق زەينەتكەرلەر مۇلىكتى قالاي بولىسەدى؟

الماتى. قازاقپارات - ەرلى-زايىپتىلار نەكەدە تۇرعان كەزىندە جيناعان مۇلىك ولاردىڭ بىرلەسكەن ورتاق مەنشىگى بولىپ ەسەپتەلەدى.

ول اجىراسۋ كەزىندە بولىنەدى. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگى وكىلى مالىمدەدى، - دەپ حابارلايدى Tengrinews.kz ءتىلشىسى.

ۆەدوستۆوداعىلار بىرلەسىپ جيناعان مۇلىكتىڭ ءتىزىمىن ايتتى.

«ق ر كودەكسىنىڭ 33-بابىنىڭ 2-بولىگى («ەرلى- زايىپتىلاردىڭ بىرلەسكەن ورتاق مەنشىگى») بويىنشا، ەرلى-زايىپتىلاردىڭ نەكەدە تۇرعان (ەرلى- زايىپتى بولعان) كەزىندە جيناعان مۇلكىنە ەرلى-زايىپتىلاردىڭ ءارقايسىسىنىڭ ەڭبەك قىزمەتىنەن، كاسىپكەرلىك قىزمەتتەن جانە زياتكەرلىك قىزمەت ناتيجەلەرىنەن تۇسكەن تابىس سومالارى، ەرلى-زايىپتىلاردىڭ ورتاق مۇلكىنەن جانە ەرلى-زايىپتىلاردىڭ ءارقايسىسىنىڭ بولەك مۇلكىنەن الىنعان تابىس سومالارى، ولار العان زەينەتاقىلار، جاردەماقىلار، زەينەتاقى جيناقتارى، سونداي-اق ارناۋلى نىسانالى ماقساتى جوق وزگە دە اقشالاي تولەمدەر (ماتەريالدىق كومەك سومالارى، مەرتىگۋ نە دەنساۋلىعىنىڭ وزگە دە زاقىمدانۋى سالدارىنان ەڭبەك قابىلەتىنەن ايرىلۋىنا بايلانىستى نۇقساندى وتەۋگە تولەنگەن سومالار جانە باسقالارى) جاتادى.

سونداي-اق ەرلى-زايىپتىلاردىڭ ورتاق تابىس سومالارى ەسەبىنەن ساتىپ الىنعان جىلجىمالى جانە جىلجىمايتىن مۇلىكتەر، باعالى قاعازدار، پايلار، سالىمدار، كرەديتتىك ۇيىمدارعا نەمەسە وزگە دە ۇيىمدارعا سالىنعان، كاپيتالداعى ۇلەستەر جانە ول وتباسىندا كىمنىڭ اتىنا ساتىپ الىنعانىنا نە اقشا قاراجاتتارىن ەرلى-زايىپتىلاردىڭ قايسىسى سالعانىنا قاراماستان، ەرلى-زايىپتىلار نەكەدە تۇرعان (ەرلى- زايىپتى بولعان) كەزەڭىندە جيناعان باسقا دا كەز كەلگەن مۇلىك ەرلى-زايىپتىلاردىڭ ورتاق مۇلكى بولىپ ەسەپتەلەدى»، - دەپ جازىلعان ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ساۋالحاتقا جولداعان جاۋابىندا.

سونىمەن قاتار، ولاردىڭ ءارقايسىسى زەينەتكەرلىك جاسقا تولعاننان كەيىن العان جيناقتالعان زەينەتاقى قاراجاتى ولاردىڭ بىرلەسكەن ورتاق مەنشىگى بولىپ ەسەپتەلەدى دەدى ۆەدومستۆوداعىلار. ءبىراق ازىرشە جيناقتالعان زەينەتاقى قاراجاتى ب ج ز ق- دا (ءبىرىڭعاي جيناقتاۋشى زەينەتاقى قورى) ساقتاۋلى، ولار نەكەدە تۇرعان كەزىندە جيناعان ورتاق مەنشىگى بولىپ سانالمايدى. الايدا، زاڭگەرلەردىڭ ايتۋىنشا، جيناعان زەينەتاقىنى الۋ ءۇشىن زەينەتكەرلىك جاسقا تولۋ مىندەتتى ەمەس.

«كەيدە جيناقتالعان زەينەتاقى قاراجاتىن ۋاقىتىنان بۇرىن الۋعا بولادى. نەكە كەزىندە نەمەسە مۇلىك ءبولۋ بارىسىندا ەرلى- زايپتىلاردىڭ ءبىرى جيناقتالعان زەينەتاقى قاراجاتىن العان جاعدايدا، ەكىنشىسى بۇل قاراجاتتى بولۋگە ۇمىتكەر بولا الادى»، - دەپ ءتۇسىندىردى زاڭگەر ولەگ چەرنوۆ.

بىرلەسىپ جيناعان ورتاق مۇلىكتى جيناقتالعان زەينەتاقى قاراجاتى تۇرىندە سوت نەمەسە ءوزارا كەلىسىم ارقىلى بولۋگە بولادى. زاڭگەرلەردىڭ بايقاۋىنشا، زەينەتاقى ءبولىسۋ بارىسىندا ەرلى- زايىپتى اراسىندا اشىق سۇراقتار بار.

«بۇل ءبولىستى ورىنداۋ نۇسقاۋلىعى ازىرشە رەتتەلمەگەن. ب ج ز ق زەينەتكەرلەر اراسىندا جينالعان مۇلىكتى قالاي بولەدى؟ ولار قالاي قاراجاتتى ءبىر دەربەس شوتتان ەكىنشىسىنە اۋدارادى؟ ءبىراق بۇل ءبارىبىر دە ب ج ز ق جۇمىسى»، - دەپ پىكىرىن ءبىلدىردى زاڭگەر ستانيسلاۆ لوپاتين.