اتىراۋدا رۇقسات ەتىلمەگەن جەردە ءدىني كىتاپتار ساتىلمايدى

اتىراۋ. قازاقپارات - اتىراۋدا رۇقسات ەتىلمەگەن جەردە ءدىني ادەبيەتتەردى ساتۋعا تيىم سالىندى، دەپ حابارلايدى قازاقپارات ءتىلشىسى.

اتىراۋ وبلىستىق ءدىن ىستەرى باسقارماسىنىڭ حابارلاۋىنشا، مۇنداي رۇقساتى بار 12 ساۋدا نۇكتەسىنىڭ 10 ى - وبلىس ورتالىعى، قالعانى قۇلسارى قالاسىندا ورنالاسقان.

«اتىراۋ وبلىستىق ءى ءى د ەكسترەميزمگە قارسى ءىس-قيمىل باسقارماسى جۇرگىزگەن تەكسەرۋ قورىتىندىسى بويىنشا بيىل ءدىني ادەبيەتتەر، ەلەكتروندى جايناماز بەن قۇراندى رۇقسات ەتىلمەگەن جەردە ساۋدالاعان 7 تۇلعا انىقتالىپ، جاۋاپقا تارتىلدى. ازىرگە 3 ازامات ق ر ا ق ب ك 490 بابىنا سايكەس سوت الدىندا جاۋاپ بەرىپ، 84 مىڭ تەڭگەدەن اسا ايىپپۇل ارقالادى، وزگە ىستەر سوت قاراۋىندا» دەپ حابارلادى وبلىستىق ىشكى ىستەر دەپارتامەنتىنىڭ باسپا ءسوز قىزمەتىنەن.

ەستەرىڭىزگە سالا كەتەيىك، ءدىني مازمۇنداعى وقۋلىق ساتۋشىلار ءدىن ىستەرى باسقارماسى نەمەسە جەرگىلىكتى اتقارۋشى ورگاندارعا ارىزدانۋى ءتيىس. ساۋدا-ساتتىق مەشىت اۋلاسىنداعى نەمەسە ساۋدا ورىندارىنداعى ارنايى دۇڭگىرشىكتەردە عانا رۇقسات ەتىلەدى.

«ءدىن سالاسىندا كورسەتىلەتىن مەملەكەتتىك قىزمەتتەر ستاندارتىن بەكىتۋ تۋرالى» زاڭى اياسىندا كەز-كەلگەن جەردە، اسىرەسە مەملەكەتتىك ورگاندار نەمەسە وقۋ عيماراتتارىنىڭ قاسىندا ءدىني مازمۇنداعى ادەبيەت ساۋدالانبايدى. ولار الەۋمەتتىك ماڭىزى بار نىسانداردان كەم دەگەندە 300 مەتر الشاق ورنالاسۋى ءتيىس دەپ ەسكەرتەدى سالا ماماندارى.