س ق و اكىمى كوكونىس ءوسىرۋ تۋرالى: ميلليونداپ تابىس تابۋعا بولادى

پەتروپاۆل. قازاقپارات - سولتۇستىك قازاقستاندا ءوزىن-ءوزى جۇمىسپەن قامتاماسىز ەتكەندەر جانە جۇمىسسىزداردى قوسىمشا ەڭبەكپەن قامتۋ اياسىندا ازاماتتار كوكونىس، ارا، مال جانە قۇس شارۋاشىلىقتارىنا تارتىلۋدا.

جامبىل اۋدانىنا جۇمىس ساپارى بارىسىندا وبلىس اكىمى قۇمار اقساقالوۆ اتالمىش باعدارلاماعا تارتىلعان اۋىل تۇرعىندارىمەن كەزدەستى. بۇل تۋرالى قازاقپارات اكىمنىڭ سايتىنا سىلتەمە جاساپ حابارلايدى.

جامبىل اۋدانىنىڭ تۇرعىنى نيكولاي ۆولكوۆ بيىل كوكونىس شارۋاشىلىعىن دامىتۋدى قولعا الىپتى. اۋىلدىققا كارتوپ وسىرۋگە 94 گەكتار جەر بەرىلىپتى. بيىل 12 گەكتارعا كارتوپ ەگىلدى، كەلەسى جىلى بۇل كورسەتكىشتى 60 گەكتارعا جەتكىزۋدى كوزدەپ وتىر.

«قازىر بىزدە 5 ادام جۇمىس ىستەيدى. بۇل وتباسىلىق بيزنەس. ماۋسىمدىق جۇمىستارعا 10 تۇرعىندى تارتىپ وتىرمىز»، - دەدى نيكولاي ۆولكوۆ. جاس كاسىپكەر كۇزدە جاقسى ءونىم الۋدى كوزدەپ وتىر، شامامەن 180-200 توننا. ءوڭىر باسشىسى قۇمار اقساقالوۆ سولتۇستىك ايماقتا كوكونىس شارۋاشىلىعى جوعارى تابىستى بيزنەس ەكەندىگىن اتاپ ءوتتى.

«بىزدىڭ كليمات جاعدايىندا كوكونىس شارۋاشىلىعى جاقسى ناتيجەلەر بەرەدى. سۋ رەسۋرستارىن جانە جەردى وڭتايلى پايدالانۋدىڭ ارقاسىندا ءار گەكتارىنان 5,5 ميلليون تەڭگەگە دەيىن تابىس تابۋعا بولادى»، - دەيدى قۇمار اقساقالوۆ. جالپى، وبلىس بويىنشا بيىل 35 مىڭ گەكتارعا كارتوپ سەبىلدى. بىلتىرعى جىلمەن سالىستىرعاندا كارتوپ القاپتارى 7 مىڭ گەكتارعا كوبەيدى.