ەلوردا ماڭىنداعى پاتشا قورعانىنان ايەلدەردىڭ اشەكەيلەرى تابىلدى

None
None
استانا. قازاقپارات - استانا قالاسى اكىمدىگىنىڭ مادەنيەت جانە سپورت باسقارماسى ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ك. اقىشەۆ اتىنداعى ارحەولوگيا عىلىمي-زەرتتەۋ ينستيتۋتىمەن بىرلەسىپ كۇيگەنجار قورعانىندا قازبا جۇمىستارىن جۇرگىزۋدە، دەپ حابارلايدى استانا قالاسى اكىمدىگىنىڭ رەسمي سايتى.

ينستيتۋت ارحەولوگتارىنىڭ زەرتتەۋ جۇمىستارى بارىسىندا قورعاننىڭ جوعارى قاباتىنداعى باستاپقى جەتى قابىر اشىلىپ، زەرتتەلگەن. ارحەولوگتار توبىنىڭ جەتەكشىسى، تاريح عىلىمدارىنىڭ كانديتاتى، ك. اقىشەۆ اتىنداعى ارحەولوگيا عىلىمي- زەرتتەۋ ينستيتۋتىنىڭ ديرەكتورى مارال حابدۋلينانىڭ ايتۋىنشا، جەرلەۋ ءراسىمى بويىنشا زيراتتار 15-16 -عاسىرلارعا جاتقىزىلعان.

«ايتا كەتەيىك، ولار مۇسىلمان داستۇرىمەن جەرلەنگەن. جالپى قورىمنان ازىرگە جەتى قابىر قازىلدى. وسى جەتەۋدىڭ ىشىندەگى ەكى مولادان اشەكەيلەر تابىلىپ وتىر، بىرەۋىن ءبىز ايەل ادامنىڭ ءقابىرى دەپ وتىرمىز. ونىڭ ىشىندە قولا سىرعا مەن كۇمىس ءجىپ بولدى. ال ەكىنشىسىن بويجەتكەن قىز بالانىڭ قابىرى دەپ توپشىلادىق، سەبەبى تابىلعان نەكە جۇزىگى جەرلەنگەن ءمايىتتىڭ وڭ ساۋساعىندا بولدى»، - دەدى ارحەولوگيالىق توپتىڭ جەتەكشىسى مارال حابدۋلينا.

 null

قورعان قاراعاندىعا باراتىن جولدا كۇيگەنجار شاتقالىندا ورنالاسقان. قازىرگى كەزدە ساقتار قورعانىنىڭ شەتىندە قازاق زيراتى بار. تاسپەن جابىلعان قورعاننىڭ بيىكتىگى 4 م، ديامەترى - 60 م. ونىڭ گرانيت تاستارى نۇرا وزەنىنىڭ جاعاسىنان الىنعانى بەلگىلى.

«قازىر استانا قالاسى اۋماعىندا جەرگىلىكتى ماڭىزعا يە 46 تاريحي-مادەني ەسكەرتكىش بار. وسى 46 ەسكەرتكىشتىڭ 12 سى ارحەولوگيالىق ەسكەرتكىش. «رۋحاني جاڭعىرۋ» باعدارلاماسىنىڭ «كيەلى قازاقستان» ارنايى جوباسىنىڭ اياسىندا وسى جىلى 4 ارحەولوگيالىق ەسكەرتكىشكە عىلىمي- زەرتتەۋ جۇمىستارىن جۇرگىزۋ جوسپارلانعان، ال وسى قورعانداعى جۇمىستار سونىڭ باسى»، - دەدى مادەنيەت جانە سپورت باسقارماسىنىڭ ءبولىم باسشىسى اسقار قالىبايەۆ.

ونىڭ ايتۋىنشا، وسى قورعاننىڭ تاڭدالعان سەبەبى بۇل جەردەگى اۋىل زيراتى قورعانعا تاقاپ قالعان. ءبىر-ەكى قابىر تۋرا ىرگەلەس قازىلعان.

«قورىمعا قاراپ وتىرساڭىزدار جەر قاتپارىنان دا بايقالادى. توپىراق قاباتى سارى، قوڭىر ءتۇستى. ءبىز وسى قورىمنىڭ ناقتى قاي عاسىرعا جاتاتىنىڭ انىقتاۋ ءۇشىن ءتورت باس سۇيەكتىڭ ازۋ ءتىسى مەن الدىڭعى تىستەرىن الىپ يتالياعا، ال انتروپولوگيالىق سىناما جۇرگىزۋ ءۇشىن سۇيەكتەردى الماتىعا جىبەرەمىز. وندا ادامنىڭ شىعۋ تەگىن، دامۋىن، دەنە قۇرىلىسىن، ناسىلدىك ەرەكشەلىكتەرىن انىقتايدى»، - دەيدى مارال حابدۋلينا.

 

سوڭعى جاڭالىقتار