تۇركىستانعا كوشەتىن قىزمەتكەرلەردىڭ جالاقىسى وسەدى - جانسەيىت تۇيمەبايەۆ
جيىندا ايماق باسشىسى تۇركىستان قالاسىنىڭ دامۋ جوسپارىمەن ءبولىسىپ، كوشىپ باراتىن قىزمەتكەرلەرگە زاڭ تالاپتارى شەڭبەرىندە مەملەكەت تاراپىنان كورسەتىلەتىن الەۋمەتتىك قولداۋلاردىڭ تۇرلەرىن ءتۇسىندىردى، دەپ حابارلايدى قازاقپارات.
جانسەيىت تۇيمەبايەۆتىڭ ايتۋىنشا، تۇركىستان قالاسىنا كوشىپ باراتىن مەملەكەتتىك قىزمەتكەردىڭ ەڭبەك اقىسىنا 20 پايىز قوسىلادى. ال، جۇمىس كەزەڭى ءۇشىن تولەنەتىن جىل سايىنعى ەڭبەك دەمالىسى كۇنتىزبەلىك 30 كۇنگە قوسىمشا ەكولوگيالىق كۇنتىزبەلىك 7 كۇن مەرزىمىندە ساۋىقتىرۋ دەمالىسى بەرىلەتىن بولادى.
سونىمەن قاتار، ەڭبەك دەمالىسىن بەرۋمەن بىرگە جىل سايىن ساۋىقتىرۋعا ارنالعان تولەمدەردىڭ ۇستىنە ءبىر ايلىق كورسەتكىش كولەمىندە ماتەريالدىق كومەك بەرىلەدى. وسىلايشا مەمقىزمەتكەر ەڭبەك دەمالىسى كەزىندە جالپى 3 ماتەريالدىق ايلىق اقى الاتىن بولادى.
