فرانسيادا قازاقستاندىقتاردىڭ قانشا پاتەرى بار؟

استانا. قازاقپارات - ق ر مەملەكەتتىك كىرىستەر كوميتەتىنىڭ سالىق سالۋ مەتودولوگياسى دەپارتامەنتىنىڭ ديرەكتورى قايرات جولمۇحامبەتوۆ فرانسيادا قازاقستاندىقتاردىڭ اتىنا قانشا پاتەردىڭ تىركەلگەنىن ايتىپ بەردى.

بۇل تۋرالى Tengrinews.kz حابارلايدى.

قايرات جولمۇحامبەتوۆ ورتالىق كوممۋنيكاتسيالار قىزمەتىنىڭ بريفينگى بارىسىندا ەلدەر اراسىنداعى سالىق الماسۋ ماسەلەسىنە دايىندىقتىڭ قالاي ءجۇرىپ جاتقانىن، سونداي-اق، پاريجدەن 65 ميلليون ەۋروعا ساتىپ الىنعان پاتەرگە قاتىستى پىكىر ءبىلدىردى.

«وسىعان دەيىن فرانسيادا ساتىپ الىنعان اتىشۋلى مۇلىككە قاتىستى ماسەلەنى ەسكەرەتىن بولساق، قۇزىرەتتى ورگانداعىلاردىڭ مالىمەتىنشە، فرانسيادا قازاقستاندىقتاردىڭ شامامەن 60 نىسانى بار»، - دەدى قايرات جولمۇحامبەتوۆ. سونداي-اق، ول بارلىق مۇلىككە سالىق تولەنىپ جاتقانىن ايتىپ ءوتتى. پاريجدە قۇنى 65 ميلليون ەۋرو تۇراتىن پاتەردىڭ يەسى كىم؟

ەسكە سالا كەتەيىك، مۇنىڭ الدىندا شەتەلدىك ب ا ق وكىلدەرى پاريجدە 65 ميلليون ەۋرو تۇراتىن پاتەردى قازاقستان ۇكىمەتىنىڭ وكىلى ساتىپ العانى جايلى حابارلاعان ەدى. ايتۋلارىنشا، پاتەردە بەس جاتىن بولمەسى، SPA- ايماعى جانە ارنايى باسساۋعا بولمەسى بار. پاتەردىڭ جالپى اۋماعى - 1200 شارشى مەتر.

كەيىنىرەك ق ر سىرتقى ىستەر ءمينيسترى قايرات ءابدىراحمانوۆ مۇلىكتىڭ مەملەكەتتىك اقشاعا الىنۋى مۇمكىن ەمەس مالىمدەگەن بولاتىن.