سەمەيدە «اباي تۋرالى ەستەلىكتەر» كىتابى جارىق كوردى

None
None
سەمەي. قازاقپارات - سەمەيدە ابايدىڭ «جيدەباي- ءبورىلى» مەملەكەتتىك قورىق-مۋزەيىنىڭ اسىل قورىندا ساقتالعان قولجازبالاردىڭ نەگىزىندە «اباي تۋرالى ەستەلىكتەر» كىتابى 5000 تارالىممەن جارىق كوردى، دەپ حابارلايدى قازاقپارات.

كىتاپ «ادەبيەتتىڭ الەۋمەتتىك ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» باعدارلاماسى اياسىندا جارىق كوردى. جيناقتىڭ جالپى رەداكسياسىنا جەتەكشىلىك ەتكەن جازۋشى، ابايدىڭ «جيدەباي- ءبورىلى» قورىق مۋزەيىنىڭ ديرەكتورى بولات جۇنىسبەكوۆ.

وقىرماندار بۇل تۋىندىدان ق ر تۇڭعىش پرەزيدەنتى نۇرسۇلتان نازاربايەۆتىڭ حاكىم ابايدىڭ يۋنەسكو كولەمىندەگى 150 جىلدىق مەرەيتويى قارساڭىنداعى «اباي تۋرالى ءسوز» بايانداماسىمەن، اباي قۇنانبايەۆتىڭ نەمەرە ءىنىسى ءارحام كاكىتاي ۇلى مەن بالاسى تۇراعۇل اباي ۇلىنىڭ، زامانداسى ءارى شاكىرتى، كورنەكتى اقىن كوكباي جاناتاي ۇلىنىڭ، ابايتانۋشى، شەجىرەشى نيازبەك الداجاروۆتىڭ ەستەلىكتەرىمەن تانىسا الادى.

«ابايعا قاتىستى ءار دەرەك، ءاربىر تاريحي جازبا باعا جەتپەس قۇندىلىق. سول قۇندىلىقتاردى مۇراعات تۇكپىرىندە ەلەۋسىز قالىپ قويماي، بۇگىنگى قاۋىمدى كەشەگى كۇندەردىڭ سىر- سيپاتىنا قانىقتىرىپ وتىرعانى ابزال. ابايدى تانۋ ارقىلى ءومىر قۇبىلىستارىن ءبىلىپ، قوعام دامۋىنىڭ قۇپيالارىنا دا تەرەڭىرەك بويلايتىنىمىز انىق. وسى تۇرعىدان كەلگەندە «اباي تۋرالى ەستەلىكتەر» جيناعى تەك ابايتانۋشىلار مەن وقىتۋشى، ستۋدەنتتەردىڭ عانا ەمەس، ويلى وقىرماننىڭ سۇرانىسىن قاناعاتتاندىراتىن قازىنا»، - دەيدى مۋزەي ديرەكتورى بولات جۇنىسبەكوۆ.

 

سوڭعى جاڭالىقتار