ساعىنتايەۆ قازاقستان جازۋشىلار وداعىنىڭ وكىلدەرىمەن كەزدەستى

استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ وداقتىڭ ءتوراعاسى ۇلىقبەك ەسداۋلەت باستاعان «قازاقستان جازۋشىلار وداعى» رەسپۋبليكالىق قوعامدىق بىرلەستىگىنىڭ وكىلدەرىمەن كەزدەسۋ وتكىزدى.

بۇل تۋرالى primeminister.kz حابارلايدى.

كەزدەسۋ بارىسىندا قازاقستاننىڭ جازۋشىلار وداعىنىڭ جاڭا شىعارماشىلىق جوبالارى مەن قازىرگى ماسەلەلەرى تالقىلاندى.

قازاقستاننىڭ جازۋشىلار وداعى - ەلىمىزدىڭ ادەبيەتشى قاۋىمىن بىرىكتىرەتىن رەسپۋبليكالىق قوعامدىق بىرلەستىك فورماسىنداعى شىعارماشىلىق ۇيىم.

جازۋشىلار وداعىنىڭ قۇرىلىمىندا قازاق، ورىس، ۇيعىر (1932 -جىلدان باستاپ)، نەمىس جانە كارىس (1977 -جىلدان باستاپ) ادەبيەتى بويىنشا شىعارماشىلىق سەكسيالار بار.

وڭىرلىك قۇرىلىمىندا - استانا، قاراعاندى، سەمەي، ورال، شىمكەنتتە 5 وبلىس ارالىق بولىمشەلەرى بار.