الەمدەگى ەڭ ۇزىن ايەل مەن ەر ادامنىڭ ماحاببات حيكاياسى قالاي اياقتالدى - فوتو
4 جاسىندا بويى 137 سانتيمەترگە جەتكەن «الىپ قىز» ناتيجەسىندە 243 سانتيمەترگە دەيىن ءوسىپ، سالماعى 160 كەلى بولعان.
16 جاستاعى «الىپ قىز» تۋرالى شوۋمەن تەيلور بارنۋم ەستىگەن ەكەن. ول قىزدى اناسىمەن بىرگە نيۋ- يورككە شاقىرىپ، ءوزىنىڭ امەريكالىق مۇراجايىندا ونەر كورسەتۋدى ۇسىنعان. شوۋمەن قىزعا 1000 دوللار جالاقى بەرەتىنىن ايتىپ، وقۋىنا ۋاقىت بولۋگە ۋادە ەتەدى. اقىلدى ءارى جان- جاقتى اننا ونىڭ ۇسىنىسىن قابىل العان. ناتيجەسىندە ول كۇيساندىقتا ويناپ، ءان ايتۋدى ۇيرەنگەن. ال ول قاتىسقان قويىلىمدارعا الەمدەگى ەڭ ۇزىن قىزدى كورۋ ءۇشىن ءيىن تىرەسكەن ادام كەلەتىن بولعان.
الايدا بويجەتكەن بويىنىڭ ۇزىن بولعانى ءۇشىن ومىرىنەن ايىرىلا جازداعان. بىردە مۇراجاي عيماراتىندا ءورت شىققان. ءورت كەزىندە اننانى تەرەزەدەن شىعارىپ الۋ مۇمكىن بولماپتى. سالدارىنان ونى قۇتقارۋ ءۇشىن قابىرعانى بۇزۋعا تۋرا كەلگەن. بۇل وقيعادان كەيىن انناعا وزىنە كەلۋ ءۇشىن ءبىراز ۋاقىت كەرەك بولىپتى. ارتىنشا ول گاسترولدىك ساپارمەن ەۋروپاعا اتتانعان.
بويجەتكەن وسى ساپارى كەزىندە ءوزىنىڭ ومىرلىك ماحابباتى مارتين بەيتستى كەزىكتىرەدى. مارتيننىڭ بويىنىڭ ۇزىندىعىنا بايلانىستى، جۇرت ونى «كەنتۋككيلىك الىپ» دەپ اتاپ كەتكەن. بۇرىن مەكتەپتە مۇعالىم بولىپ جۇمىس ىستەگەن ەر ادام اسكەرگە بارىپ، ارتىنشا سيرككە جۇمىسقا تۇرعان.
بويى 232 سانتيمەتر بولاتىن مارتين اننانىڭ كوڭىلىنەن بىردەن شىققان. ولاردىڭ اراسىندا ماحاببات وتى تۇتانىپ، ارتىنشا شاڭىراق كوتەرۋدى ۇيعارادى. جاس جۇبايلار لوندوندا ۆيكتوريا پاتشايىمنىڭ الدىندا بولعان. ءوز كەزەگىندە پاتشايىم انناعا التىن ساعات تارتۋ ەتەدى.
جاس جۇبايلار ەۋروپانى ارالاپ، 14 اي بويى بىرگە ونەر كورسەتكەن. مۇنان كەيىن امەريكاعا قايتىپ كەلىپ، وگايو فەرماسىندا بيىك ءۇي تۇرعىزادى. الايدا مۇنان كەيىن ولاردىڭ ومىرىندە قيىندىقتار پايدا بولادى. ەكى رەت قۇرساق كوتەرگەن اننانىڭ بوسانۋى وتە قيىن وتەدى. سەبەبى ەكى ءسابيى دە ۇلكەن بولعان ەدى. ناتيجەسىندە ءبىرىنشى بالاسى ءولى تۋىلسا، ەكىنشى ءسابيى تۋىلعاننان 12 ساعاتتان كەيىن شەتىنەپ كەتكەن.
الەمدەگى ەڭ ۇزىن جۇپتىڭ ماحاببات حيكاياسى دا مۇڭدى اياقتا لعان. 1888 -جىلى اننا 41 جاسىندا تۋبەركۋلەز دەرتىنەن كوز جۇمادى.
ال مارتين ەكىنشى رەت وتباسىن قۇرىپ، ەكىنشى ايەلىمەن ءومىرىنىڭ سوڭعى كۇنىنە دەيىن بىرگە تۇرعان.
Stan.kz