16:47, 23 - شىلدە 2018 | GMT +6
نۇرسۇلتان نازاربايەۆ ۆلاديمير پۋتينمەن الداعى كەزدەسۋلەر جايىن تالقىلادى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەتتەر باسشىلارى اڭگىمەلەسۋ بارىسىندا ەكى جاقتى ىنتىماقتاستىقتىڭ، سونداي- اق وڭىرلىك جانە حالىقارالىق كۇن ءتارتىبىنىڭ مەيلىنشە وزەكتى ماسەلەلەرىن تالقىلادى.
سونىمەن قاتار ەكى ەل باسشىلارى الداعى كەزدەسۋلەر كەستەسىن، سونىڭ ىشىندە بيىلعى 12 - تامىزدا اقتاۋ قالاسىندا وتەتىن بەسىنشى كاسپي سامميتى اياسىنداعى كەزدەسۋلەر بارىسىن قاراستىردى.
تەلەفون ارقىلى سويلەسۋگە رەسەي جاعى باستاماشى بولدى.