بىشكەكتىڭ بۇرىنعى مەرىنە جاڭا ايىپ تاعىلدى

بىشكەك. قازاقپارات - بىشكەك قالاسىنىڭ ەكس-مەرى البەك يبرايموۆكە جاڭا ايىپ تاعىلدى، دەپ حابارلايدى كابار اگەنتتىگى قىرعىز رەسپۋبليكاسى مەملەكەتتىك ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

2018-جىلعى 21- شىلدەدە ق ر م ۇ ق ك باس تەرگەۋ باسقارماسى زاڭسىز جەر ۋچاسكەلەرىن ءبولۋ كەزىندە جەمقورلىق جاساۋ دەرەگىنە قاتىستى قىلمىستىق ءىستى تەرگەپ-تەكسەرۋ اياسىندا بىشكەكتىڭ بۇرىنعى مەرى ا. يبرايموۆكە ق ر ق ك- ءنىڭ 303-بابى 1-بولىگىندە («جەمقورلىق») قاراستىرىلعان قىلمىستى جاسادى دەپ ايىپ تاقتى.

تەرگەۋ بارىسىندا ا. يبرايموۆتىڭ قىزمەتىن اسىرا پايدالانىپ، بىشكەك مەرياسىنىڭ وزگە لاۋازىمدى تۇلعالارىمەن بىرلەسىپ بىشكەكتىڭ وڭتۇستىك اۋماعىندا ورنالاسقان مۋنيتسيپالدىق جەر ۋچاسكەلەرىن زاڭسىز ءبولۋ بويىنشا قىلمىستىق جوسپار جاساعانى بەلگىلى بولدى.

ەسكە سالايىق، ا. يبرايموۆ 19- شىلدەدە كۇدىكتى رەتىندە ۇستالىپ، ق ر م ۇ ق ك باس تەرگەۋ باسقارماسىنا جەتكىزىلگەن بولاتىن.

م ۇ ق ك باس تەرگەۋ باسقارماسى ءبىرقاتار قىلمىستىق ىستەردى تەرگەپ جاتىر. تەرگەۋ بارىسىندا ا. يبرايموۆتىڭ ولارعا قاتىسى بارى جونىندە ناقتى مالىمەتتەر انىقتالعان. ونىڭ ىشىندە، بىشكەكتىڭ بۇرىنعى مەرىنە قاتىستى ق ر ق ك 171- بابى 4- بولىگىنىڭ 1,2-تارماقتارىندا قاراستىرىلعان قىلمىستاردىڭ بەلگىلەرى بويىنشا قوزعالعان قىلمىستىق ءىس بويىنشا دەرەكتەر بەلگىلى بولعان. ياعني ارنايى بۇيىمداردى جوعارى باعامەن ساتىپ الىپ، «داستان تۇك» ا ا ق مۇلىگىن تالان تاراجعا سالىپ، يەمدەنگەن.

قازىرگى تاڭدا ا. يبرايموۆ ق ر م ۇ ق ك تەرگەۋ يزولياتورىنا جىبەرىلدى. ءالى دە تەرگەۋ امالدارى جۇرگىزىلىپ جاتىر.