ساراپشى قىتاي ۆاليۋتاسىنىڭ قۇنسىزدانۋ سەبەبىن ءتۇسىندىردى

None
None
بەيجىڭ. قازاقپارات - قىتايلىق ساراپشىلار يۋاننىڭ ديەۆالۆاتسياعا ۇشىراۋىن دوللار باعامىنىڭ ارتۋىمەن ءتۇسىندىردى، دەپ حابارلايدى «قازاقپاراتتىڭ» مەنشىكتى ءتىلشىسى.

«يندا سەكيۋريتيس» كومپانياسىنىڭ باس ەكونوميسى لي داسياو «Global Times» باسىلىمىنا بەرگەن سۇحباتىندا وسىنداي پىكىر ايتتى.

«ا ق ش دوللارى سوڭعى كۇندەرى وزدىگىنەن نىعايىپ كەلەدى، وسى جاعداي يۋاننىڭ قازىرگى باعامىنا اسەر ەتىپ وتىر»، - دەيدى ول.

«Global Times» اناليتيكتەرىنىڭ ايتۋىنشا، دوللار باعامىنىڭ ارتۋ تەندەنتسياسى ا ق ش فەدەرالدىق رەزەرۆتەر جۇيەسىنىڭ باسشىسى دجەرومي پاۋەللدىڭ 18- شىلدەدەگى بازالىق پروتسەنتتىك مولشەرلەمەنى بىرتىندەپ ارتتىرۋ قاجەتتىلىگى تۋرالى مالىمدەمەسىنەن كەيىن ايقىن بايقالا تۇسكەن.

ەسكە سالا كەتەيىك، 2018-جىلعى 20- شىلدەدە قىتاي ۆاليۋتاسىنىڭ باعامى جىلدىڭ ەڭ جوعارعى كورسەتكىشىنە جەتىپ، 1 ا ق ش دوللارى 6,790 يۋاندى قۇرادى. ال ا ق ش پرەزيدەنتى د. ترامپ پەن قارجى ءمينيسترى س. منۋچين قىتايدى ساۋداداعى باسەكەلەستىكتە باسىمدىققا جەتۋ ءۇشىن يۋان باعامىن ادەيى قۇبىلتىپ وتىر دەپ ايىپتاعان.

 

سوڭعى جاڭالىقتار