عالىمدار ءتىس پاستاسىنىڭ زيان ەكەنىن حابارلادى
بۇل تۋرالى Chemical Research in Toxicology باسىلىمى حابارلادى، دەپ جازادى Stan.kz اقپاراتتىق اگەنتتىگى.
بۇل حيميالىق زاتتار ازىق-تۇلىك ونەركاسىبىندە جانە كوسمەتيكادا زاتتارعا اق ءتۇس بەرۋ ءۇشىن كەڭىنەن قولدانىلادى. ءبىراق، ول ەلەمەنت ادامعا زيانسىز دەپ سانالادى.
E171 تيتان ديوكسيدىنىڭ قاسيەتتەرى XX عاسىردىڭ ورتاسىندا بەلگىلى بولدى. اتالعان زات زياندى بوياعىشتاردى قورعاسىنمەن الماستىردى. سونداي-اق، 1970-جىلدارى ونى كەڭىنەن پايدالانا باستادى. ال، ءدال وسى كەزەڭنەن باستاپ ەكىنشى ءتيپتى قانت ديابەتىمەن اۋىراتىن ناۋقاستاردىڭ سانى ءتورت ەسەگە ارتا ءتۇستى.
عالىمدار وزدەرىنىڭ تەورياسىن تەكسەرۋ ءۇشىن اسقازان بەزىنىڭ ۇلگىلەرى الىنعان توپقا زەرتتەۋ جۇرگىزدى. تاجىريبەگە قاتىسقان سەگىز ادامنىڭ تالداۋلارىنان تيتان ديوكسيدى تابىلدى، جانە ولاردىڭ بارلىعى ەكىنشى ءتيپتى قانت ديابەتىنە شالدىققان.
زەرتتەۋشىلەر وسىدان كەيىن تيتان ديوكسيدى ەكىنشى ءتيپتى قانت ديابەتىن تۋدىراتىن زاتتاردىڭ ءبىرى بولۋى مۇمكىن دەگەن قورىتىندىعا كەلدى. ەندى عالىمدار زەرتتەۋ ناتيجەلەرىن اۋقىمدى ەتىپ تەكسەرۋگە نيەتتى.