08:52, 23 - شىلدە 2018 | GMT +6
قىرعىزستان مەن قازاقستاننىڭ س ءى م باسشىلارى شەكاراداعى ماسەلەلەردى تالقىلادى
بىشكەك. قازاقپارات - قىرعىزستان سىرتقى ىستەر ءمينيسترى ەرلان ابدىلدايەۆ پەن قازاقستاننىڭ سىرتقى ساياسي ۆەدومستۆوسىنىڭ باسشىسى قايرات ءابدىراحمانوۆ ىقپالداستىقتىڭ وزەكتى ماسەلەلەرىن تالقىلادى، دەپ حابارلايدى «كابار» اگەنتتىگى قىرعىزستان س ءى م- ءنىڭ باسپا ءسوز قىزمەتىنە سىلتەمە جاساپ.
ابدىلدايەۆ پەن ءابدىراحمانوۆتىڭ ەكىجاقتى كەزدەسۋى 2018-جىلدىڭ 20-22- شىلدەسى ارالىعىندا ىسسىق-كولدە ءوتىپ جاتقان ورتالىق ازيا ەلدەرى سىرتقى ىستەر مينيسترلەرىنىڭ كەزدەسۋى شەڭبەرىندە ءوتتى.
ەكى ەلدىڭ س ءى م باسشىلارى قىرعىز-قازاق ىقپالداستىعىنىڭ وزەكتى ماسەلەلەرىن، سونىڭ ىشىندە كولىك جانە كوممۋنيكاتسيا، ساۋدا-ەكونوميكالىق جانە مادەني-گۋمانيتارلىق باعىتتاردى تالقىلادى. سونداي-اق الداعى ۋاقىتتاعى جوعارعى دەڭگەيدەگى ساپارلاردىڭ كۇنتىزبەلىك جوسپارى ءسوز بولدى.
بۇدان بولەك، قىرعىزستان مەن قازاقستاننىڭ شەكارالارىنداعى وتكىزۋ بەكەتتەرىنىڭ جۇمىسىنا، ەكى ەل ازاماتتارىنىڭ قۇقىقتارى مەن مۇددەلەرىن قورعاۋعا ەرەكشە نازار اۋدارىلدى.