وڭتۇستىك كورەيادا دەنيس تەندى ەسكە الۋ كەشى ءوتتى

استانا. قازاقپارات - قازاقستاننىڭ وڭتۇستىك كورەياداعى ەلشىلىگى جانىندا قازاقستاندىق مانەرلەپ سىرعاناۋشى دەنيس تەندى ەسكە الۋ كەشى ءوتتى، دەپ حابارلايدى قازاقپارات.

«سپورتشىمەن قوشتاسۋ ءۇشىن ەسكە الۋ كەشىنە دەنيس تەننىڭ دوستارى مەن فاناتتارى جينالدى»، - دەدى قازاقپارات تىلشىسىنە سونگيۋنگۆان ۋنيۆەرسيتەتىنىڭ ساياساتتانۋ جانە ديپلوماتيا ماماندىعى بويىنشا ماگيسترانتى باۋىرجان ءداۋىتوۆ.

سونداي-اق، سپورتشىمەن قوشتاسۋ كەشىنە ورىس تىلىندە بلوگ جۇرگىزەتىن مين كەن حۆا دا قاتىستى.

«قازاقستان مەن كورەيا ۇلى چەمپيوندارىنان ايىرىلدى. دەنيس پەن ونىڭ اتاسى - كورەيا مەن قازاقستاننىڭ باتىرلارى»، - دەدى بلوگەر.

ەسكە سالا كەتسەك، استانادا وتكەن دەنيس تەنمەن قوشتاسۋ راسىمىندە وڭتۇستىك كورەيا رەسپۋبليكاسىنىڭ قازاقستانداعى ەلشىسى كيم دە سيك دەنيس تەننىڭ ءولىمىن قازاقستان ءۇشىن عانا ەمەس، الەمدىك قاۋىمداستىق ءۇشىن ورنى تولماس قايعى دەپ باعالادى. ەلشى دەنيستىڭ تاۋەلسىزدىك ءۇشىن كۇرەسكەن تانىمال كورەي گەنەرالى مين گىن حونىڭ ۇرپاعى ەكەنىن ەسكە سالدى. «اسىل دوسىمىزدى ەشقاشان ۇمىتپايمىز»، - دەدى ەلشى.

دەنيس تەن 19- شىلدە كۇنى پىشاق جاراقاتىنان الماتى اۋرۋحاناسىندا كوز جۇمدى. ءىس بويىنشا ەكى كۇدىكتى قولعا ءتۇستى.

كەيىنىرەك بەلگىلى بولعانداي، اۆتوكولىك ۇرىلارى نۇرالى قياسوۆ پەن ارمان قۇدايبەرگەنوۆ تانىمال سپورتشىنى ولتىرگەندەرىن الەۋمەتتىك جەلىدەن بىلگەن.