دۇيسەنبى كۇنى قازاقستاندا قۇبىلمالى كۇن رايى كۇتىلەدى

استانا. قازاقپارات - اتموسفەرالىق فرونتتاردىڭ وتۋىنە بايلانىستى 23- شىلدە كۇنى قازاقستاننىڭ باسىم بولىگىندە قۇبىلمالى اۋا رايى كۇتىلەدى.

كەي جەرلەردە نايزاعاي ويناپ، جاڭبىر جاۋادى، جەل كۇشەيەدى. رەسپۋبليكانىڭ وڭتۇستىگى مەن باتىسىندا شاڭدى داۋىل تۇرادى، سولتۇستىگىندە داۋىل بولادى. ەل بويىنشا جەكەلەگەن وڭىرلەردە بۇرشاق جاۋۋى مۇمكىن. بۇل تۋرالى «قازگيدرومەت» ر م ك- دان ءمالىم ەتتى، دەپ حابارلايدى قازاقپارات.

اتاپ ايتقاندا، سولتۇستىك قازاقستان وبلىسىندا نايزاعاي، داۋىل، 15-20 م/س ەكپىندەگى جەل كۇتىلەدى. جەلدىڭ جىلدامدىعى كەي جەرلەردە 23-28 م/س جەتەدى، كۇندىز بۇرشاق جاۋۋى مۇمكىن.

اقمولا، قاراعاندى وبلىستارىنىڭ كەي جەرلەرىندە نايزاعاي وينايدى، بۇرشاق جاۋۋى مۇمكىن. تۇندە جانە تاڭەرتەڭ تۇمان بولىپ، تۇندە كەي جەرلەرىندە، كۇندىز باسىم بولىگىندە جەلدىڭ كۇشى 15-20 م/س كۇشەيەدى.

باتىس قازاقستان، شىعىس قازاقستان وبلىستارىنىڭ كەي جەرلەرىندە نايزاعاي بولادى، جەل 15-20 م/س ارتادى، بۇرشاق جاۋۋى مۇمكىن. شىعىس قازاقستاندا داۋىل تۇرۋى ىقتيمال.

الماتى، پاۆلودار وبلىستارىندا كەي جەرلەردە نايزاعاي وينايدى، 15-20 م/س جەل تۇرادى، بۇرشاق جاۋۋى ۇمكىن. الماتى وبلىسىندا تۇمان بولجانادى.

جامبىل وبلىسىندا جەلدىڭ كۇشى 23 م/س جەتەدى، تاڭەرتەڭ جانە كۇندىز نايزاعاي بولادى، بۇرشاق جاۋۋى مۇمكىن.

تۇركىستان، كۇندىز اتىراۋ وبلىستارىنىڭ كەي جەرلەرىندە نايزاعاي كۇتىلەدى، جەل 15-20 م/س كۇشەيەدى.

قىزىلوردا، اقتوبە وبلىستارىندىڭ كەي جەرلەرىندە جەل 15-20 م/س كۇشەيەدى. شاڭدى داۋىل تۇرادى. قىزىلوردا وبلىسىندا تۇندە جانە تاڭەرتەڭ نايزاعاي بولادى.

قوستاناي وبلىسىنىڭ كەي جەرلەرىندە جەلدىڭ ەكپىنى 15-20 م/س ارتادى.

ماڭعىستاۋ وبلىسىندا كۇندىز نايزاعاي بولادى.

سونداي-اق الماتى، اتىراۋ وبلىستارىندا، تۇركىستان، ماڭعىستاۋ، جامبىل وبلىستارىنىڭ كەي جەرلەرىندە قاتتى ىستىق بولادى.

بۇدان بولەك، ماڭعىستاۋ، قىزىلوردا، تۇركىستان وبلىستارىندا، اتىراۋ، باتىس قازاقستان، اقتوبە، قوستاناي، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.