ورتالىق ازيا ەلدەرىنىڭ سىرتقى ىستەر مينيسترلەرى بىرلەسكەن مالىمدەمە قابىلدادى
«ورتالىق ازيا ەلدەرى باسشىلارىنىڭ كەزەكتى كونسۋلتاتيۆتى كەزدەسۋى 2019-جىلدىڭ ناۋرىز ايىندا تاشكەنتتە وتەدى. ال سىرتقى ىستەر مينيسترلەرىنىڭ جينالىسىن كەلەسى جىلى تاجىكستاندا وتكىزۋ جوسپارلانعان»، - دەلىنگەن ق ر س ءى م باسپا ءسوز قىزمەتىنىڭ حابارلاماسىندا.
ەسكە سالا كەتسەك، ورتالىق ازيا ەلدەرى پرەزيدەنتتەرىنىڭ تۇڭعىش كونسۋلتاتيۆتى كەزدەسۋى استانادا وتكەن بولاتىن. كەيىنىرەك س ءى م باسشىلارى چولپون اتادا باس قوستى.
كەزدەسۋ قورىتىندىسى بويىنشا سىرتقى ساياسي ۆەدومستۆولاردىڭ باسشىلارى بىرلەسكەن مالىمدەمە جاسادى. ولار ورتالىق ازيا ەلدەرى اراسىنداعى مەملەكەتتىك شەكارالاردىڭ حالىقارالىق قۇقىقتىق راسىمدەۋ پروتسەسىندەگى وڭ ديناميكاعا، ايماقتاعى ءدىنارالىق جانە شەكارالىق ىنتىماقتاستىقتى بەلسەندى ەتۋگە قولداۋ ءبىلدىردى.
ق ر س ءى م باسپا ءسوز قىزمەتىنىڭ حابارلاۋىنشا، تاراپتار حالىقارالىق تەرروريزممەن جانە ەكسترەميزممەن، ەسىرتكىنىڭ زاڭسىز اينالىمىمەن، ترانس ۇلتتىق ۇيىمداسقان قىلمىسپەن جانە وڭىرلىك قاۋىپسىزدىككە قاتەر توندىرەتىن وزگە دە قاۋىپتەرمەن كۇرەستە ىنتىماقتاستىقتى ءارى قاراي دامىتۋ قاجەتتىگىن اتاپ ءوتتى.
ءوڭىر ەلدەرى ساۋدا-ەكونوميكالىق بايلانىس پەن ءوزارا ساۋدانى ءارى قاراي نىعايتۋ ءۇشىن قولايلى جاعداي جاساۋ ءۇشىن جۇمىس ىستەيتىن بولادى. سونىمەن بىرگە، ىشكى وڭىرلىك ينۆەستيتسيالىق ىنتىماقتاستىقتى دامىتۋدىڭ ورتالىق ازيا ەلدەرى اراسىنداعى ىسكەرلىك ورتا ءۇشىن ماڭىزدى ەكەنى ايتىلدى.
«تاراپتار ورتالىق ازياداعى سۋ- ەنەرگەتيكالىق رەسۋرستاردىڭ كەشەندى قولدانىلۋى قاجەتتىگىن ايتتى جانە وڭىردەگى بارلىق مەملەكەتتەردىڭ تۇتىنۋشىلىعى مەن مۇددەلەرى ەسكەرىلىپ، ءوزارا ىنتىماقتاستىقتىڭ ۇزاق مەرزىمدى مەحانيزمدەرىن ازىرلەۋدىڭ ماڭىزدىلىعىن اتاپ ءوتتى»، - دەلىنگەن مالىمدەمەدە.