شىعىس قازاقستان ارداگەرلەرى قاسيەتتى جەرلەرگە ساياحات جاسادى
وڭىرلىك اقپارات ورتالىعىنىڭ مالىمدەۋىنشە، «رۋحاني جاڭعىرۋ» باعدارلاماسىنىڭ اياسىندا وبلىس اردارگەرلەرىنە تاريحي جەرلەرگە تەگىن ەكسكۋرسيا ۇيىمداستىرىلدى. تاريحي ەسكەرتكىشتەر مەن پەتروگليفتەرگە، وبسەرۆاتوريالارعا وبلىستىڭ ارداگەرلەرى مەن زەينەتكەرلەرى ەرەكشە قىزىعۋشىلىق تانىتتى.
ۇلان اۋدانىندا ەجەلگى داۋىردەن سىر شەرتەتىن كوپتەگەن تاستى ماسسيۆتەر، ادىرلار، ەجەلگى پەتروگليفتەر مەن سۋرەتتەر ساياحاتشىلاردىڭ نازارىن اۋدارتادى.
نەوليت داۋىرىنە ءتان اق باۋىر عيباداتحاناسى تەك شىعىس ءوڭىردىڭ عانا ەمەس، بۇكىل قازاقستاننىڭ تانىمال قاسيەتتى ورىندارىنىڭ ءبىرى. ءدال وسى جەردە ادامدار وزدەرىنىڭ ءدىني سالتتارىن جاساعان. ەكسكۋرسيا دا وسى جەردەن باستالدى.
ودان شىعىپ ارداگەرلەر ابىلايكەت عيباداتحاناسىنا باردى.
ال ەكسكۋرسيا سوڭىندا ساياحاتشىلار ءسىبىن كولدەرىنە بارىپ، وندا داستارقاننان ءدام تاتتى، سونداي- اق ارداگەرلەرگە ارناپ مۋزىكالىق قويىملىمدار قويىلدى.
«بۇگىن ءارى تاريحي، ءارى تانىمدىق ساياحاتقا شىققانىمىزعا قۋانىشتىمىز. وسىنداي باستامانى قولداعانى ءۇشىن باسشىلىققا العىس بىلدىرەمىز. ءالى ءبىزدىڭ كوپتەگەن جوسپارلارىمىز بار، الداعى ۋاقىتتا اباي اۋدانىنا بارامىز»، - دەيدى ش ق و ارداگەرلەرى كەڭەسىنىڭ ءتوراعاسى ايتقازى شەرۋبايەۆ،
ارداگەرلەر كەڭەسى وكىلدەرىنىڭ ايتۋىنشا، وسىنداي شارالار قوعامدىق سانانى جاڭعىرتۋعا ىقپال ەتىپ، ەلىمىز تاريحىنا ۇڭىلۋگە مۇمكىندىك بەرەدى.