قازاقستاندىقتار اراسىندا فوتوكونكۋرس جاريالاندى

استانا. قازاقپارات - ق ر تۇڭعىش پرەزيدەنتى - ەلباسىنىڭ قورى «اسىل مۇرا» فوتوكونكۋرسىن وتكىزۋدە.

وعان 18 بەن 35 جاس ارالىعىنداعى كەز كەلگەن قازاقستاندىقتار قاتىسا الادى، دەپ حابارلايدى قازاقپارات.

كونكۋرستىڭ ماقساتى - پاتريوتيزمدى نىعايتۋ، قازاقستاننىڭ جاڭا كوركەم بەينەلەرىن، ونىڭ تۇلعالارىن جانە ەلوردانىڭ كورىكتى جەرلەرىن قالىپتاستىرۋعا ىقپال ەتۋ.

بايقاۋ تاقىرىپتارى: «ساۋلەت»، «قازاقستان حالقىنىڭ مادەنيەتى مەن داستۇرلەرى»، «استانانىڭ 20 جىلدىعى»، «كۇندەلىكتى ومىردەگى وقيعالار» جانە «تۇلعالار». وعان 18 بەن 35 جاس ارالىعىنداعى قازاقستاندىقتار قاتىسا الادى.

ق ر تۇڭعىش پرەزيدەنتى- ەلباسى قورىنىڭ باسپا ءسوز قىزمەتىنەن ءمالىم ەتكەندەي، فوتوجۇمىستار كونكۋرستىڭ تاقىرىبىنا سايكەس كەلۋى ءتيىس. ءبىر قاتىسۋشى ۇشتەن ارتىق ەمەس فوتوسۋرەت جىبەرە الادى. ءاربىر اۆتور ەكى نوميناتسياعا قاتىسۋعا قۇقىلى.

فوتوسۋرەتتەر بيىلعى 30 -قىركۇيەككە دەيىن قابىلدانادى. قورىتىندىسى ۇستىمىزدەگى جىلعى قازان ايىنىڭ باسىندا انىقتالادى. جەڭىمپازعا «اسىل مۇرا» كونكۋرسىنىڭ لاۋرەاتى اتاعى جانە 350 مىڭ تەڭگە اقشالاي سىيلىق بەرىلەدى.

قازىلار القاسىنىڭ قۇرامىندا بەلگىلى جانە بەدەلدى فوتوسۋرەتشىلەر، جۋرناليستەر، سونداي- اق كونكۋرس قۇرىلتايشىسىنىڭ وكىلدەرى مەن سەرىكتەستەرى بار.

تولىعىراق ماعلۇماتتى www.fpp.kz سايتىنىڭ «بايقاۋلار» بولىمىنەن تابۋعا بولادى.