قىتاي سۋ استىندا جۇزەتىن روبوتتى ويلاپ تاپتى
بۇل تۋرالى ازەرتادج fmgnews.info سايتىنا سىلتەمە جاساپ حابارلادى.
قىتايلىقتار ويلاپ تاپقان روبوتتالعان ROV كاپسۋلاسى جۇكتەردى عانا ەمەس، جولاۋشىلاردى دا تاسىمالداي الادى.
روبوتتىڭ قوزعالتقىشىنىڭ قۋاتى 250 ات كۇشىنە تەڭ. بولجام بويىنشا، ول العاشقى كەزەڭدەردە ءتۇرلى زەرتتەۋ ەكسپەديتسيالارى اياسىندا جانە قۇتقارۋ جۇمىستارى ءۇشىن قولدانىلاتىن بولادى.
«ROV- تى ءۇش شاقىرىم تەرەڭدىكتە پايدالانۋعا بولادى. ونى قۇتقارۋ مەن زەرتتەۋ ميسسيالارىنان بولەك، تەڭىز تۇبىنەن پايدالى قازبالاردى تابۋ ءۇشىن جۇمساۋعا بولادى»، - دەيدى قۇراستىرۋشىلار.
سۋاستى روبوتتى سىناقتان وتكىزۋ 2020 -جىلى باستالادى. ەگەر سىناق ءساتتى وتكەن جاعدايدا ونىڭ جاپپاي ءوندىرىسى باستالماق. سۋ استىندا جۇك تاسىمالدايتىن قىتايلىق روبوتتىڭ انالوگى ازىرگە الەمدە جوق. ءبىراق ونى جاپپاي وندىرىسكە ەنگىزگەنگە دەيىن وزگە ەلدەردە ۇقساس جوبالار پايدا بولۋى مۇمكىندىگى جوققا شىعارىلمايدى.